“അയ്യടാ ..നിന്നോട് കൊഞ്ചൽ അല്ലെ എന്റെ പണി ..എനിക്ക് വേറേം നൂറു കൂട്ടം കാര്യങ്ങളുണ്ട്..”
മഞ്ജു എന്റെ കൈ വിടുവിച്ചുകൊണ്ട് ചിരിയോടെ പറഞ്ഞു .
“ഓ പിന്നെ…”
ഞാൻ അവളുടെ ആ വാദം തള്ളിക്കളഞ്ഞു .
“പിന്നെ ഒന്നുമല്ല..ആൻസർ ഷീറ്റ് നോക്കാൻ പോണം , ട്രെയിനിങ് ഉണ്ട് ..അങ്ങനെ കുറെ പരിപാടി ഉണ്ട് ”
മഞ്ജു പതിയെ പറഞ്ഞു .
“എന്നാലും വിളിക്കണം..അല്ലെങ്കി ഞാൻ ശല്യം ചെയ്യും..”
ഞാൻ പെട്ടെന്ന് അവളുടെ പുറകിലേക്ക് കയ്യെത്തിച്ചു ഇടുപ്പിൽ പിടിച്ചു മുന്നോട്ടു വലിച്ചു .
“ഏയ് ഏയ്..കവി…”
അവൾ പല്ലിറുമ്മി.
ആരേലും ശ്രദ്ധിക്കുമോ എന്നെ ഭയം ആയിരുന്നു അവൾക്കു.
“ഒരു കവിയും ഇല കവിതേം ഇല്ല..ഓക്കേ ആണല്ലോ ”
ഞാൻ അവളെ എന്നിലേക്ക് പിടിച്ചു അമർത്തികൊണ്ട് ചോദിച്ചു.
“ഓക്കേ..നീ എന്നെ വിട്ടേ”
അവൾ എന്റെ കൈകളിൽ കിടന്നു ഞെരിഞ്ഞു പുളഞ്ഞുകൊണ്ട് പറഞ്ഞു . അവളുടെ മണം എന്നെ അസ്വസ്ഥനാക്കി തുടങ്ങിയിരുന്നു . അവളുടെ ഇളം പച്ച ചുരിദാറിന്റെ കക്ഷത്തു സ്വല്പം വിയർപ്പു പടർന്നു ചിത്രം വരച്ചിരുന്നു .
“വിടില്ല..ഒരു കിസ് തന്നെ ..എന്ന വിടാം ”
ഞാൻ മഞ്ജുസിനെ വരിഞ്ഞു മുറുക്കി ചുറ്റും നോക്കികൊണ്ട് പറഞ്ഞു .
“ഒന്ന് വിടെടാ ..ഇത് വരെ കിസ് ചെയ്യാത്ത പോലെ ”
മഞ്ജു എന്റെ കവിളിൽ കൈകൊണ്ട് പതിയെ അടിച്ചുകൊണ്ട് പറഞ്ഞു .
“ഇപ്പോ കുറെ ആയില്ലേ …ലാസ്റ്റ് ടൂർ പോയപ്പോഴാ ഒന്ന് മനസറിഞ്ഞു കണ്ടത് ..പ്ലീസ് ”
ഞാൻ മഞ്ജുസിന്റെ ചെഞ്ചുണ്ടുകളുടെ വിറയൽ കണ്ണിമവെട്ടാതെ നോക്കി കൊഞ്ചി പറഞ്ഞു . അതിന്റ ഈർപ്പവും തുടിപ്പുമെല്ലാം എന്നെ കൊതിപ്പിച്ചു .
“ആഹാ ..”
അവൾ ചിരിച്ചു .
“ഒന്ന് തായോ ..പ്ലീസ് ”
ഞാനവളുടെ ചിരിയുടെ ചന്തം നോക്കികൊണ്ട് ചിണുങ്ങി.
“മ്മ്….”
മഞ്ജു മൂളിയതും എന്റെ ചുണ്ടിൽ പല ആവർത്തി ഉമ്മകൾ വെച്ചതും ഒപ്പം ആയിരുന്നു..ച്ചും.ച്ചും..ച്ചും..എന്ന് ഗൗളി ചിലക്കും പോലെ ശബ്ദം ഉയർന്നുകൊണ്ടുള്ള ചുംബനങ്ങൾ…
ഞാൻ കണ്ണടച്ച് നിന്നു അത് ആസ്വദിക്കവേ .മഞ്ജു അതിനു ഷട്ടർ ഇടുകയും ചെയ്തു.
“മതി സ്വപ്നം കണ്ടത് ..”
കണ്ണടച്ച് നിക്കുന്ന എന്നെ പുറകിലേക്ക് തള്ളിക്കൊണ്ട് മഞ്ജുസ് ചിരിച്ചു .
“മതിയാക്കിയോ ?”
ഞാൻ ചുണ്ട് നാവുകൊണ്ട് നനച്ചുകൊണ്ട് മഞ്ജുസിനെ നോക്കി .