Posted by ” വീണമോളോ… നീ എങ്ങനെയാ ഏട്ടന്റെ ഫോണിന്ന് വിളിക്കുന്നേ..? നിങ്ങള് രണ്ടുപേരും ഒരുമിച്ചാണോ ഉള്ളത്…? ”
അച്ഛൻ ചോദിച്ചു.
” അതെ അച്ഛാ… ഞങ്ങൾ ഒരുമിച്ചാണ് ഉള്ളത്… എനിക്ക് അച്ഛനോട് ഒരു പ്രധാപെട്ട കാര്യം പറയാനുണ്ട്. ”
” മോളെ നിനക്ക് എന്താ… പറ്റിയെ..? നീ എന്താ ഇങ്ങനെയൊക്കെ സംസാരിക്കുന്നേ..? അവിടെ എന്തെങ്കിലും പ്രശ്നമുണ്ടോ…?”
അച്ഛൻ ആശങ്കയോടെ ചോദിച്ചു.
” അച്ഛാ… ഞാൻ പറയുന്നത് ആദ്യം കേൾക്ക്… ”
അവൾ ഗൗരവത്തോടെ പറഞ്ഞു.
” എന്താ… കാര്യം…?”
” അവിടെ അച്ഛന്റെ അടുത്തരാരാ ഉള്ളത്…? ”
” ഇവിടെ ഹോം നേഴ്സ് ഉണ്ടായിരുന്നു. ഡ്രസ്സ്‌ വാഷ് ചെയ്യാൻ പോയിരിക്കുവാ.. ”
” അവര് ഉടനെ വരുമോ…?”
” അവര് പോയിട്ട് കുറച്ചു നേരമായി.. ഇപ്പൊ എത്തുമായിരിക്കും… അല്ലാ… നീയെന്തിനാ ഇതൊക്കെ ചോദിക്കുന്നെ..? ”
അച്ഛൻ സംശയത്തോടെ വീണ്ടും ചോദിച്ചു.
” ഞാൻ പറയാം… ”
ഒരൽപ്പം ഭയത്തോടെയാണെങ്കിലും അവൾ സംഭവിച്ച കാര്യങ്ങളൊക്കെ അച്ഛനോട് തുറന്നു പറഞ്ഞു.
മകൾ പറഞ്ഞതൊക്കെ കേട്ടത്തിന് ശേഷം അച്ഛൻ പിന്നൊന്നും മിണ്ടിയില്ല.
” ഹലോ… അച്ഛാ… അച്ഛൻ എന്തെങ്കിലും ഒന്ന് പറ… ”
വീണ ചോദിച്ചു.
പക്ഷെ അച്ഛന്റെ ഭാഗത്ത് നിന്നും ഒരു പ്രതികരണവും ഉണ്ടായില്ല.
” അച്ഛാ.. ഞാൻ പറയുന്നത് കേൾക്കുന്നുണ്ടോ…? എന്താ ഒന്നും മിണ്ടാത്തത്…? ”
വീണ വീണ്ടും ചോദിച്ചു.