” കിച്ചു അടുത്തുണ്ടോ…? ”
അച്ഛൻ ഗൗരവത്തോടെ ചോദിച്ചു.
” ഉണ്ട്… ”
വീണ മറുപടി നൽകി.
” ഫോൺ അവന് കൊടുക്ക്… ”
” ശെരി അച്ഛാ… ”
വീണ ഉടനെ ഫോൺ കിച്ചുവിന് കൊടുത്തു.
ഫോൺ ചെവിയിൽ വച്ചുകൊണ്ട് വിറയ്ക്കുന്ന ചുണ്ടുകളോടെ : ഹലോ… അ.. അച്ഛാ…
” നിന്റെ അനിയെത്തി പറഞ്ഞതൊക്കെ സത്യമാണോ..? ”
അച്ഛൻ കോപത്തോടെ ചോദിച്ചു.
” അ… ആ… അത്… സത്യമാണ്.. ”
അവൻ പേടിച്ചുകൊണ്ട് പറഞ്ഞു.
അടുത്ത നിമിഷം ഫോൺ കട്ടായി.
” അച്ഛൻ എന്താ പറഞ്ഞത്…? ”
വീണയും, ശ്രീജിത്തും ഒരേപോലെ ചോദിച്ചു.
” ഫോൺ കട്ട് ചെയ്തു. എനി എന്ത് സംഭവിക്കുമെന്ന് ഒരു പിടിയുമില്ല. ”
കിച്ചു പേടിയോടെ പറഞ്ഞു.
” ഏട്ടൻ പേടിക്കേണ്ട നമുക്ക് വെയിറ്റ് ചെയ്യാം… അച്ഛൻ തിരിച്ചു വിളിക്കുമായിരിക്കും… ”
വീണ പറഞ്ഞു.
” കിച്ചു.. നീ റിലാക്സ്സാവ്… ”
ശ്രീജിത്ത് അവനെ ചേർത്ത് പിടിച്ചുകൊണ്ട് സമാധാനിപ്പിച്ചു.
പക്ഷെ കിച്ചു കരയാൻ തുടങ്ങി. അവന്റെ ഉള്ളിലെ വിഷമങ്ങൾ കണ്ണീരായി പുറത്തു വന്നു.