Posted by ” ങാ ..അനീ …നിന്നെ കണ്ടിട്ട് മൂന്നാലു ദിവസമായല്ലോ എന്നോർത്താ ഞാൻ ചേച്ചിയെ കണ്ടപ്പോൾ പറഞ്ഞു വിട്ടത് “
” കുറച്ചു തിരക്കായിരുന്നു ജയേട്ടാ ….അതാ ‘
” ടീച്ചറു നിന്നെ തല്ലി എന്ന് പറഞ്ഞു ..പോട്ടെടാ ..നീയിനി അതും പറഞ്ഞു ട്യൂഷന്‍ മുടക്കേണ്ട ‘
“അതൊന്നുമല്ല ജയേട്ടാ …..’ അവൻ തല കുനിച്ചു
” എടാ ഞാൻ വരാൻ പറഞ്ഞത് അതൊന്നുമല്ല …….ദേ ഇരിക്കുന്ന ബൈക്ക് നീ എടുത്തോ …പണ്ട് ഞാനുപയോഗിച്ചിരുന്നതാ ….ഇപ്പൊ ഒന്ന് നന്നാക്കി എടുത്തു …..”
” അയ്യോ ജയേട്ടാ ….”
” നിനക്കു വരാനും പോകാനും ഒക്കെ എളുപ്പമാകും …ഇതിനി ഇവിടെ ആരുപയോഗിക്കാനാ ‘
ഹ്മ്മ് …ടീച്ചറെവിടെ ജയേട്ടാ “
“അവള് കുടുംബക്ഷേത്രത്തിൽ പോയേക്കുവാ ….’
” ഓ ….. കാറു കിടക്കുന്നതു കണ്ടു ചോദിച്ചതാ ‘
‘ കാറിനു പോയാലും കുറച്ചു നടക്കാനുണ്ട് …പിന്നെ ഒരു ടയറു പഞ്ചറും …അത് മാറ്റാൻ ആള് വരും ..നീ ഒരു കാര്യം ചെയ് ..ബൈക്കുമായി പോയി അവളേം കൂട്ടി വാ ….ഞാൻ ഒരു മീറ്റിങ്ങിനു പോകുവാ ‘
ജയൻ ക്ഷേത്രത്തിലേക്ക് പോകുന്ന വഴി അവനു പറഞ്ഞു കൊടുത്തു
അനിൽ ചെല്ലുമ്പോൾ ക്ഷേത്രത്തിൽ ആരെയും കണ്ടില്ല . ‘ടീച്ചറെ ടീച്ചറെ ” അവൻ ഉറക്കെ വിളിച്ചു
അവൻ ഇടിഞ്ഞു പൊളിയാറായ ഒരു പഴയ വീട് അല്പം മാറി കണ്ടപ്പോൾ അങ്ങോട്ട് ചെന്നു .മേൽക്കൂരയില്ലാതെ പൊട്ടി പൊളിഞ്ഞ ഭിത്തി മാത്രംഉള്ള വീടിനുള്ളിലും ഗായത്രിയെ കണ്ടില്ല . വീടിനു തെക്കു വശത്തായി ഒരു വിളക്ക് കത്തിച്ചിരിക്കുന്നതു അവൻ കണ്ടു . ടീച്ചർ അവിടെവിടെയോ ഉണ്ടെന്നു മനസിലായി . കാരണം അതിലെ എണ്ണ അധികം തീർന്നിരുന്നില്ല . വീടിന്റെ പുറകിലേക്ക് അവൻ ചെന്നു . അപ്പോൾ ഗായത്രി കണ്ണിമാങ്ങയുടെ ഒരു കുലയുമായി എതിർ സൈഡിലൂടെ അകത്തേക്ക് കയറുന്നത് കണ്ടത് . അവൻ പുറകെ ചെന്നു . അവൻ അകത്തു ചെന്നപ്പോൾ ഒരു ഇഷ്ടിക കഷണം എടുത്തു അവൾ കണ്ണി മാങ്ങാ പൊട്ടിക്കുകയായിരുന്നു
പിന്നിൽ കരിയില അനങ്ങുന്ന ശബ്ദം കേട്ട ഗായത്രി പെട്ടന്ന് ഇഷ്ടികയും ഓങ്ങി അവനു നേരെ തിരിഞ്ഞു
” എന്റെ ടീച്ചറെ അടിക്കല്ലേ ” അനിൽ കൈ തലയിൽ വെച്ചു . അനിലിനാണെന്നു കണ്ട ഗായത്രി പെട്ടന്ന് ഇഷ്ടിക താഴെയിട്ടു . ആരും ഒന്നും മിണ്ടിയില്ല .
ഗായത്രി തന്നെ തുടക്കമിട്ടു