Posted by പിന്നീടുള്ള ദിവസങ്ങളിൽ ഞാൻ ഒരുപാട് ആലോചിച്ചു…ഞങ്ങൾ തമ്മിൽ നടന്നതിനെ കുറിച്ചും.ഞങ്ങൾക്ക് ഉണ്ടായിരുന്ന ആ സ്നേഹത്തെ പറ്റിയും,സ്വാതന്ത്ര്യത്തെ പറ്റിയുമെല്ലാം..
ഒന്ന് ആലോചിച്ച് തുടങ്ങുന്നതിന് മുമ്പുതന്നെ എനിക്ക് അറിയാമായിരുന്നു.എവിടെയൊക്കെ ആ കുട്ടിയെ ഞാൻ ഒരുപാട് സ്‌നേഹിക്കുന്നുണ്ടെന്ന്…
ചേച്ചിക്ക് ആവശ്യമായിരുന്ന സമയവും,സ്പേസും ഞാൻ കൊടുത്തു..
അന്നത്തെ ആ സംഭവത്തിന് ശേഷം ഞങ്ങൾ ഒരുപാട് സ്ഥലങ്ങളിൽ വച്ച് കണ്ടുമുട്ടി..ഒരിക്കൽ പോലും ഞാൻ ചേച്ചിയോട് പോയി സംസാരിക്കുകയോ,ഒന്ന് അടുക്കാൻ ശ്രമിക്കുകയോ പോലും ചെയ്തില്ല…
ഉള്ളിൽ വല്ലാത്തൊരു മരവിപ്പ് ഉണ്ടായിരുന്നെങ്കിലും,അതാണ് നല്ല തീരുമാനം എന്നെനിക്ക് തോന്നി….
അങ്ങനെ രണ്ടുമാസം കടന്നുപോയി…കോളേജ് ഫെസ്റ്റ് അടുത്തുവന്നു…
കോളേജ് ഫെസ്റ്റ് കഴിഞ് കുറച്ച് നാളുകൾക്കുള്ളിൽ തന്നെ സയൻസ് ഫെസ്റ്റ് വരുന്നത്കൊണ്ട് ഞാൻ ഒന്നിലും പങ്കെടുക്കേണ്ട എന്ന് തീരുമാനിച്ചു.
ഹന്ന ചേച്ചിയും ഒന്നിലും പങ്കെടുക്കുന്നില്ല എന്ന് ആഷിക് ഏട്ടൻ വഴി ഞാൻ അറിഞ്ഞു..
അതിനു തൊട്ടു മുൻപ് നടന്നിരുന്ന എല്ലാ പരിപാടികളും ചേച്ചി ഡാൻസ് കളിക്കാനും,പാട്ട് പാടാനുമൊക്കെ പോയിരുന്നു..
ക്ലാസ്സിലെ ഒരേയൊരു മലയാളി ആൺകുട്ടി ഞാനായതുകൊണ്ട് എന്നെയും കൂട്ടി ഗ്രൂപ്പ് ഡാൻസ് കളിയ്ക്കാൻ മലയാളികൾ തീരുമാനിച്ചു.
പക്ഷെ ആ ഒരു ചെറിയ സമയത്തിനുള്ളിൽ തന്നെ എനിക്ക് എല്ലാത്തിനോടുമുള്ള താല്പര്യം പോയിരുന്നു..
ക്ലാസ് കഴിഞ്ഞാൽ നേരെ മുറിയിലേക്ക് പോകും.അല്ലെങ്കിൽ മാളവികയുടെ കൂടെ എങ്ങോട്ടെങ്കിലും കറങ്ങാൻ പോകും.
അതായിരുന്നു എന്റെ ദിനചര്യം.
മാളവികയും ഞാനും തമ്മിൽ അപ്പോഴേക്കും നന്നായി അടുത്തിരുന്നു..
അടുപ്പം എന്ന് പറയുമ്പോൾ….മാനസികമായിട്ടുള്ള ഒരു അടുപ്പം..പ്രണയം ഒരു തരി പോലും എനിക്ക് അവളോടോ അവൾക്ക് എന്നോടോ തോന്നിയിരുന്നില്ല..