തെറ്റ് എന്റെ ഭാഗത്താണ് എന്നപോലെ ഒരു തോന്നൽ…
ഗേറ്റിന്റെ അടുത്ത് തന്നെ ഞാൻ കാത്തു നിന്നു..സമയമായിട്ടും ചേച്ചിയെ കാണുന്നില്ല….പിന്നെയും കാത്തുനിന്നിട്ടും ചേച്ചിയെ ഞാൻ കണ്ടില്ല..സമയം ഒരുപാട് വൈകിയപ്പോൾ ഞാൻ പിന്നെ നിൽക്കാതെ ക്ലാസ്സിലേക്ക് തിരികെ പോയി…..
മറ്റൊരു ഗേറ്റ് വഴി ചേച്ചി കോളേജിലേക്ക് പോയതൊന്നും പക്ഷെ ഞാൻ അറിഞ്ഞില്ല….ചേച്ചിയെ അന്വേഷിച്ച് ആഷിക് ഏട്ടനെ കാണാൻ പോയപ്പോളാണ് ചേച്ചി ക്ലാസ്സിൽ വന്നിട്ടുണ്ടെന്ന് തന്നെ ഞാൻ അറിഞ്ഞത്..
ലഞ്ച് സമയത്ത് ചേച്ചിയെ കാണാൻ വേണ്ടി ഞാൻ വീണ്ടും ക്ലാസ്സിലേക്ക് പോയി.ഭക്ഷണം ക്യാന്റീനിൽ നിന്ന് കഴിക്കാൻ ചേച്ചി പോയി എന്ന് ഒരു കുട്ടി പറഞ്ഞപ്പോൾ ഒട്ടും വൈകിക്കാതെ ഞാൻ ക്യാന്റീനിലേക്ക്ക് പോയി…
ചേച്ചിയും,വേറെ കുറച്ച് പെൺകുട്ടികളും അവിടെ ഇരുന്ന് ഭക്ഷണം കഴിക്കുന്നുണ്ടായിരുന്നു…
അവരുടെ മുമ്പിൽ വച്ച് ഒന്നും ചോദിക്കണ്ട എന്ന് തോന്നിയതുകൊണ്ട് ഞാൻ പുറത്ത് കാത്തു നിന്നു…
തിരിച്ചിറങ്ങുന്നതിന്റെ തൊട്ട് മുൻപ് ഞങ്ങളുടെ കണ്ണുകൾ ഉടക്കി….
എന്തോ ഒരു വെറുപ്പ് ചേച്ചിയുടെ കണ്ണുകളിൽ അപ്പോൾ ഞാൻ കണ്ടു..
ഒന്നും മനസ്സിലാവുന്നില്ല. എന്തിനാണ് ചേച്ചിക്ക് എന്നോട് ദേഷ്യം???
ഭക്ഷണം കഴിച്ചു കഴിഞ് ഓരോരുത്തരായി പുറത്തേക്ക് ഇറങ്ങി..ഏറ്റവും അവസാനമാണ് ചേച്ചി ഇറങ്ങിയത്…പെട്ടെന്ന് ഉണ്ടായ ഒരു തോന്നലിൽ ചേച്ചിടെ കണ്ട അപ്പോൾ തന്നെ ഞാൻ ചേച്ചിയുടെ കയ്യിൽ പിടിച്ചു.
ടപ്പേ-ന്ന് ഒരു അടി എന്റെ മുഖത്ത് കൊണ്ടു.ഒരൊറ്റ അടി…ഞാൻ വിറങ്ങലിച്ചു പോയി.
ചേച്ചി ആയിരുന്നു എന്നെ അടിച്ചത്….
മൂന്ന് ദിവസം മുൻപ് ഉമ്മവച്ച….തലോടിയ ആ മുഖത്ത് തന്നെ ചേച്ചി അടിച്ചു……
ശബ്ദം കേട്ട് എല്ലാവരും തിരിഞ്ഞു നോക്കി.ഞാൻ ചേച്ചിയുടെ കൈ വിട്ടു.കണ്ണുകളുയർത്തി ചേച്ചിയെ നോക്കി..ചേച്ചിയുടെ കണ്ണുകൾ നിറഞ്ഞിരുന്നു.കൈ വിറക്കുന്നുണ്ട്…
എല്ലാവരുടെയും മുന്നിൽ ഞാൻ അപമാനിതനായി..കൂടെ പഠിക്കുന്നവരും,സീനിയേഴ്സും ഉൾപ്പെടെ പലരും അത് കണ്ടു…