Posted by
ലത ടീച്ചർ ഇത് പറഞ്ഞു സ്നാക്സ് വാങ്ങിയ കവറുമായി പോകാൻ നിന്നു. ദിവ്യ ടീച്ചറും കടയിൽ കാശ് കൊടുത്തു പെട്ടെന്ന് നടന്നു.
ബിസിനടുത്തെത്തിയ രണ്ടുപേരും ചെറുതായി ഒന്ന് പേടിച്ചു, എന്തോ കശപിശ നടക്കുന്നു. ലത ടീച്ചർ ഓടി വന്ന് മേരി ടീച്ചറോട് കാര്യം തിരക്കി.
“എന്ത് പറ്റി ടീച്ചറെ, എന്താ പ്രെശ്നം?”
“ആ വന്നോ രണ്ടു പേരും, ഇപ്പൊ വരാമെന്നു പറഞ്ഞു പോയിട്ട് ഇത് എത്ര നേരം ആയി?. ദേ നിങ്ങടെ ബാച്ചിലെ പിള്ളേരെല്ലാം സീറ്റു മാറി ഇരുന്ന് അങ്ങോട്ടും ഇങ്ങോട്ടും തർക്കം. ഒന്ന് നോക്കിയേ ദിവ്യ ടീച്ചറെ. ഞാൻ ഒന്ന് ബാത്റൂമിൽ പോലും പോയില്ല”
ഇതും പറഞ്ഞു മേരി ടീച്ചർ ഇറങ്ങി മുങ്ങി. ലത ലത ടീച്ചറും ദിവ്യ ടീച്ചറും ബസിലേക്ക് കയറി, ആകെ കലപില. ലത ടീച്ചർ ഉള്ളിലേക്ക് കയറി ബസ്സിന്റെ മധ്യ ഭാഗത്തേക്ക് നീങ്ങി നിന്നു. ദിവ്യ ടീച്ചർ മുൻ വശത്തു നിന്ന് രണ്ടു മൂന്നു സീറ്റു പുറകിൽ ഉള്ള കമ്പിയിൽ പിടിച്ചു നിന്ന് പുറകിലെ പ്രശനം പരിഹരിക്കാൻ ഉള്ള ശ്രമം തുടങ്ങി.
“എന്താ കുട്ടികളെ, അലീന ഇവിടെ ആണോ ഇരുന്നത്, അലീന മുന്നിലേക്ക് വരൂ.”
“ടീച്ചറെ കേറിയപ്പോ ഈ സീറ്റ് എനിക്ക് തരാമെന്നു സമ്മതിച്ചതാണ് ഇവൾ കേറിയത്. ഇപ്പൊ ഞാൻ മാറി കൊടുക്കണം പോലും.”
പ്രെശ്നം വഷളാകുന്ന മുൻപ് സോൾവ് ചെയ്യാൻ രണ്ടു ടീച്ചർമാരും പെടാപാട് പെട്ടു.
“എന്താ ബഹളം… എന്താ പ്രെശ്നം?”
പെട്ടെന്ന് ബസ്സിൽ നിശബ്ദത ആയി, സോമൻ സാർ കയറി ദിവ്യ ടീച്ചറിന്റെ തൊട്ടു പുറകിൽ നിന്നു.
“നിങളുടെ ബാച്ചിലെ കുട്ടികൾ എവിടെയൊക്കെയാണ് ഇരുന്നതെന്നു നിങ്ങൾക്ക് അറിയില്ലേ. പിന്നെ എന്താണ് ഇത്ര ബഹളം വെക്കാൻ. എങ്ങനെ ആണോ ഇതുവരെ വന്നത് തിരിച്ചു സ്കൂളിൽ എത്തുന്ന വരെ അങ്ങനെ തന്നെ മതി ഇരുത്തം. ലത ടീച്ചറെ ബാക്ക് സീറ്റ് തൊട്ടു റീ ഏറെഞ്ചു ചെയ്.”