Posted by നീതു തന്റെ ഉള്ളിലുള്ള സങ്കടക്കടൽ പുറത്തേക്കൊഴുക്കി… ഇതിലെ അപകടം മനസിലായ ആ കുറഞ്ഞ സമയത്തിനുള്ളിൽ അവളൊരുപാട് ആലോചിച്ചു കൂട്ടിയിട്ടുണ്ടെന്നു സിതാര മനസിലാക്കി…
” ഛെ… നീയെന്തൊക്കെയാ നീതു പറയണേ….!! നിന്റെ ഭാഗത്തൊരു തെറ്റും ഇല്ല.. ”
നീതുവിന്റെ കണ്ണീർ തുടച്ച് അവളെ നെഞ്ചിൽ ചേർത്ത് മുറുക്കിപ്പിടിച്ചുകൊണ്ട് സിതാര പറഞ്ഞു…
” അങ്ങേരോടൊന്നും സ്നേഹം കാണിക്കരുതായിരുന്നെടീ, അതിൽ നിന്റെ ഭാഗത്തു തെറ്റുണ്ട്….
പുള്ളിയൊന്നും അത് അർഹിക്കുന്നില്ല… ബന്ധങ്ങളുടെ വില അറിയാത്ത അങ്ങേർക്ക് നിന്റെ ശരീരം മാത്രമേ നോക്കാൻ പറ്റുള്ളൂ, മനസ് കാണാൻ കഴിയില്ല…”
അവളെ ആശ്വസിപ്പിക്കാൻ പറയുന്നതാണെങ്കിൽ കൂടി മുൻപ് തന്നോട് ചെയ്തതും ഓർത്തുക്കൊണ്ടാണ് സിതാര പറഞ്ഞത്…
” നീ പേടിക്കണ്ട… ഇത് ഞാൻ കൈകാര്യം ചെയ്തോളാം.. നീയിനി പ്രാക്റ്റീസ് എന്നും പറഞ്ഞു ചാടാൻ നിക്കണ്ട.. അത് നിർത്തിക്കോ.. ”
സിതാരയുടെ ശബ്ദത്തിലെ ഗൗരവം മനസിലാക്കി നീതു തലയാട്ടി..
തിരികെ വീട്ടിൽ വന്ന് വസ്ത്രങ്ങൾ മാറി ചായ കുടിച്ച ശേഷം സിതാര തൊടിയിലെ മരത്തണലിൽ ഇരുന്ന് ചില കണക്ക് കൂട്ടലുകൾ നടത്തി…
മുകളിൽ സിദ്ധു പ്രാക്റ്റീസ് ചെയ്യുന്നതിന്റെ ശബ്ദം കേൾക്കുന്നുണ്ട്…
കുറച്ചു നേരത്തെ ആലോചനക്ക് ശേഷം
എന്തോ തീരുമാനിച്ചു ഉറപ്പിച്ച അവൾ കനത്ത മുഖവുമായി എഴുന്നേറ്റു…
(തുടരും )
സ്നേഹത്തോടെ
Fire blade ❤