ഇതിൻറ്റെ എല്ലാം ഇടയിൽ, അയാൾക്കു ഇപ്പോഴും ഒരു ഗ്രീൻ സിഗ്നൽ കൊടുക്കാതെ നില്കുന്നത് ഞാൻ മാത്രമാണ് (അതും എൻ്റെ ഭർത്താവു വല്യ എതിർപ്പ് കാണിക്കാതെ നിന്നിട്ടു കൂടിയും) ചിലപ്പോൾ, ജീവിതത്തിൽ ആദ്യമായിട്ടായിരിക്കും ഒരു പെണ്ണിൽ നിന്നും അയാൾക്കു ഇത്രയും വലിയ വെല്ലുവിളി നേരിടേണ്ടി വന്നിട്ടുണ്ടാവുക!!
*******************
സാർ/മാം,, ഡെസ്സേർട് അയിറ്റം എന്തെങ്കിലും??
നേരത്തെ നമ്മുടെ പ്ലെയ്റ്റുകൾ എടുത്തു കൊണ്ടുപോയ ആ വെയ്റ്റർ വീണ്ടും തിരിച്ചു വന്നു ചോദിച്ചു,,
എന്തോ ഒരു കൗതുകത്തിൻറ്റെ പുറത്തു, ഞാൻ ആ പയ്യൻറ്റെ നെയിം ബാജിലേക്കു ഒന്ന് നോക്കി “ഉണ്ണി” അതാണ് അവൻ്റെ പേര്!!
ആ പേര് വായിച്ചപ്പോൾ, ഒരു കാര്യവുമില്ലാതെ എൻ്റെ ചുണ്ടിൽ വെറുതെ ഒരു പുഞ്ചിരി വിരിഞ്ഞു, ഞാൻ ആ പുഞ്ചിരിക്കുന്ന മുഖത്തോടെ ജോയുടെ നേർക്കു നോക്കിയതും ‘ജോ’ എന്നെ നോക്കി ഒന്ന് കണ്ണിറുക്കി കാണിച്ചു,,
ചിലപ്പോൾ ‘ജോ’ കരുതിയത്, ഞാൻ വീണ്ടും അച്ചായനെ ഓർമ വന്നിട്ട് പുഞ്ചിരിച്ചതായിരിക്കും എന്നോ മറ്റും ആവും,,,
‘ജോ’യുടെ ആ കണ്ണിറുക്കൽ കണ്ടതും, ഞാൻ ‘ജോ’യെ രൂക്ഷമായി ഒന്ന് നോക്കി,,
ഞാൻ ദേഷ്യത്തിലാണെന്ന് മനസ്സിലാക്കിയ, ‘ജോ’ ആ പയ്യനോട് ഇനിയൊന്നും വേണ്ട, ‘ബില്ല്’ എടുത്തോളൂ എന്ന് പറഞ്ഞു അയാളെ മടക്കി അയച്ചു!
‘ജോ’ എന്നോട് സോറി പറയാൻ തുടങ്ങുമ്പോയേക്കും ‘ഞാൻ’ അല്പം ഒച്ചയെടുത്തു ഇടയ്ക്കു കയറിപ്പറഞ്ഞു “ജോ,,, നീ ഇന്ന് ഭയങ്കരം ഓവറാ,, സൊ,, ഇന്ന് രാത്രി നോ എൻട്രി” !!
ഞാൻ, ‘നോ എൻട്രി’ പ്രഖ്യാപിച്ചതും, ‘ജോ’ കണ്ണും തള്ളിപ്പിടിച്ചു വല്ലാത്ത ഒരു നഷ്ടഭാവത്തോടെ എൻ്റെ മുഖത്തേക്കു നോക്കി ഇരിക്കുക മാത്രം ചെയ്തു!
ഞാൻ പറഞ്ഞാൽ പറഞ്ഞതാ,, ഇനി തർക്കിക്കാൻ വന്നിട്ട് കാര്യമില്ലെന്നു ‘ജോ’നു കൃത്യമായിട്ടും അറിയാം,,
സത്യം പറഞ്ഞാൽ, ജോയുടെ ആ ഇരിപ്പു കണ്ടിട്ട് എനിക്ക് ഉള്ളിൽ ചിരി പൊട്ടിയെങ്കിലും, മുഖത്തെ ഗൗരവം മാറ്റാതെ ആ കഫേയിലെ ടീവിയിൽ ഏറെ നേരമായി കണ്ടു കൊണ്ടിരിക്കുന്ന ആ ഫ്ലാഷ് ന്യൂസിലേക്കു ഒരിക്കൽ കൂടെ എൻ്റെ നോട്ടം പോയി!!
‘വരും ദിവസങ്ങളിൽ കാലവർഷം ശക്തി പ്രാപിക്കാൻ വൻ സാധ്യത / അടുത്ത മൂന്നു ദിവസത്തേക്ക് വിദ്യാഭ്യാസ സ്ഥാപനങ്ങൾക്ക് കലക്ടർ അവധി പ്രഖ്യാപിച്ചു / മത്സ്യ തൊഴിലാളികൾക്കു കടലിൽ പോകുന്നതിനു റെഡ് അലേർട്ട്,,,,’