Posted by പവി വന്ന് വണ്ടിയിൽ കേറി എന്നെ ഒന്ന് നോക്കി
ഞാൻ : എന്താ ഞാൻ പറഞ്ഞിട്ടുള്ളത് കണ്ട പട്ടികൾ പറയുന്നത് കേക്കാൻ നിക്കരുത്….
പവി : ആ പരട്ട കെഴവന് എന്ത് ടാ അത്രക്ക് വെറുപ്പ് നിന്നോട്….
ഞാൻ : എന്താ വച്ചാ ഒരു മൊണ്ണക്ക് കെട്ടി വക്കാൻ നോക്കിയിട്ട് സൂപ്പർ ചെക്കനെ അവക്ക് കിട്ടിയതിന്റെ അസൂയ…
പവി : തെണ്ടി 😡
ഞാൻ : പവിയെ
ഞാനും അച്ചുവും പവിയും കൂടെ ഒന്ന് കറങ്ങി…
എനിക്കാണേ ആ വീട്ടിലേക്ക് കേറി പോവാൻ തന്നെ തോന്നുന്നില്ല
ചെറിടെ ഫോൺ വന്നപ്പോ പത്തെ പത്തിന് മെല്ലെ ഉരുട്ടി ഉരുട്ടി അങ്ങോട്ട് പോയി
രണ്ട് മിനിറ്റ് കഴിഞ്ഞ് അച്ഛന്റെ ഫോൺ വന്നതും പിന്നെ വണ്ടി സ്പോർട്സ് മോഡിൽ ആണ് പോയത്…
അച്ഛൻ എത്തി….
അച്ഛൻ ഒക്കെ ഉമ്മറത്ത് തന്നെ നിപ്പുണ്ട്
കി ക്കു മാമൻ : കറങ്ങാൻ പോയതാ ചേട്ടനും കുട്ടികളും
ഞാൻ : ആ…
അച്ഛൻ : ടാ രാജു… അവരെ വിളിക്ക് എറങാ…നേരായി
അമ്മ ഇച്ചു രണ്ട് പേരും എറങ്ങി വന്നു…
ഞാൻ കാറിലോട്ട് കേറാൻ പോയതും അച്ഛൻ എന്നെ അടുത്തേക്ക് വിളിച്ചു
ഞാൻ : എന്താ ച്ഛാ
അച്ഛൻ : അതെ അവരൊക്കെ രാത്രിയെ പോവു
ഞാൻ : അതിന്
അച്ഛൻ : അവര് പോയിട്ട് നീയും മോളും വാ കൊറച്ച് നേരം അവടെ ഇരി…
ഞാൻ : വേണ്ടച്ഛാ പ്ലീസ്
അച്ഛൻ : ടാ മക്കളെ അവരൊക്കെ നിങ്ങള് വരുന്നത് അറിഞ്ഞിട്ട് വന്നതല്ലേ അപ്പൊ നിങ്ങള് ഒടനെ പോണത് ശെരി ആണോ…
ഞാൻ : ചെ
അച്ഛൻ : വേണേ പവി നിക്കും
ഞാൻ : വേണ്ട വേണ്ട… അവള് വന്നോട്ടെ….
ഞാൻ തിരിഞ്ഞ് നോക്കുമ്പോ അച്ഛൻ ഒഴികെ എല്ലാരും വണ്ടിയില് കേറി…
പവി എന്നെ വെറും സഹതാപം മാത്രം ഉള്ള ഒരു നോട്ടം നോക്കി…
അച്ഛൻ എന്റെ കവിളിൽ പിച്ചി കൈ ചുണ്ടിൽ വച്ച് ഉമ്മ വച്ചിട്ട് കാറിലോട്ട് കേറി