🔥ഏദൻ തോട്ടത്തിന്റെ കാവൽക്കാരൻ 13🔥[സഞ്ജു സേന]

ആശങ്കയായിരുന്നു മനസ് നിറയെ ,,.

രണ്ടു മൂന്നു ട്രെയിൻ ഈ സമയത്തുള്ളതാണ് ,യാത്ര കഴിഞ്ഞു ഇറങ്ങി വരുന്നവരുടെയും പോകാനുള്ളവരുടെയും തിരക്കും ബഹളവുമാണ് സ്റ്റേഷന് മുന്നിൽ ,അതിന്റെ പ്രതിഫലനം പാർക്കിങ്ങിലുമുണ്ട് , അത് ഒരു കണക്കിൽ
ഭാഗ്യമായി പാർക്കിങ് ഫീസ് പിരിക്കുന്ന ചെക്കൻ ചൂണ്ടി കാണിച്ചത് ഉള്ളിലേക്ക് കയറി കാട് പിടിച്ചു കിടക്കുന്നതിനു അടുത്തേക്കാണ് ,ആ ഭാഗത്തു വാഹനങ്ങൾ കുറവാണു ,വാസുകി കാറ് അധികമെങ്ങനെ ആരും ശ്രദ്ധിക്കാത്ത മട്ടിൽ പാർക്ക് ചെയ്തു ലൈറ്റുകൾ ഓഫാക്കി ..

”പറയു അർജുൻ ,എന്താണ് പ്രശ്നം ..”

ഞാൻ ദേവമ്മയെ കാണാൻ പോയത് മറ്റും അവർക്ക് പറഞ്ഞു കൊടുത്തു ,

”ഇനി എന്ത് ചെയ്യാനാ പ്ലാൻ ?”

”അവരെത്തിയിട്ടു തീരുമാനിയക്കാമെന്നു വച്ചു ..”

”ഡ്രൈവറെ വിശ്വസിക്കാമല്ലോ അല്ലെ ,,”

”സരോജ ഡോക്ടറുടെ ആളാണ് ,കുഴപ്പക്കാരനല്ല എന്ന് തോന്നി ..”

”ഉം ….”

വാസുകി ഒന്നിരുത്തി മൂളി ,എന്നിട്ടു ബാക്ക് സീറ്റിലേക്ക് കയ്യിട്ടു ഒരു വാക്കിങ് സ്റ്റിക് കയ്യിലെടുത്തു എനിക്ക് നീട്ടി ..ഈ സമയത്തു ആ സാധനം എന്തിനാണെന്ന സംശയം ഞാൻ ചോദിക്കും മുന്നേ അവർ അതിന്റെ പിടി മൂന്നാലു തവണ തിരിച്ചു ഒറ്റ വലി വലിച്ചു , സിനിമകളിൽ കണ്ടിട്ടുള്ളത് പോലുള്ള ഇരുതല മൂർച്ചയുള്ള ഒരു ചെറിയ വാൾ … ..

”മാഡം കയ്യിൽ ഗണ്ണുണ്ട് ,”

” ഇത് പോലുള്ളയിടത്തു തോക്ക് ഉപയോഗിക്കുന്നത് റിസ്‌ക്കാണ് അർജുൻ ,..”

അവർ പിടി വീണ്ടും തിരിച്ചു വാക്കിങ് സ്റ്റിക്ക് ആക്കി എനിക്ക് തന്നിട്ട് ഡോർ തുറന്നു പുറത്തേക്കിറങ്ങി ,സമീറയോട് വണ്ടിയിൽ തന്നെ ഇരിക്കാൻ പറഞ്ഞു വാക്കിങ് സ്റ്റിക്കുമായി പിന്നാലെ ഞാനും ..ഞങ്ങളെത്തി എന്നറിയിക്കാൻ ഫോണെടുത്തു ആകാശിനു ഒരു മിസ് കാൾ കൊടുത്തു ,കുറച്ചു മാറി ഒരു കാറിന്റെ പാർക്കിങ് ലൈറ്റുകൾ ഒന്ന് തെളിഞ്ഞു ഓഫായി ,ഉറപ്പിക്കാനായി അടുത്തേക്ക് ചെന്ന് നോക്കിയപ്പോൾ ഊഹം തെറ്റിയില്ല ,ഞങ്ങളുടെ ഫിഗോ തന്നെ ,അതിൽ തന്നെയിരിക്കാൻ കൈകൊണ്ടു ആംഗ്യം കാണിച്ചു ..അപ്പോഴേക്കും മനോജിന്റെ വിളിയെത്തി ..സമ്മതിക്കണം പറഞ്ഞ സമയത്തിൽ ഒരു മിനിറ്റ് പോലും മാറിയിട്ടില്ല ..

”ഞാൻ മനോജാണ് ,നിങ്ങളിപ്പോ ?”

”പറഞ്ഞതു പോലെ റയിൽവേ സ്റ്റേഷൻ പാർക്കിങ്ങിൽ ..”

”ഷൈനി സിസ്റ്ററെയും കൂട്ടി റയിൽവേ പാളം കടന്നു തെക്കു വശത്തെ ഓട്ടോ സ്റ്റാൻഡിലേക്ക് പോരെ ,പിന്നെ എല്ലാവരും വേണ്ട ,ആളുകൾ ശ്രദ്ധിക്കും ..”

കയ്യിലെ കെട്ടുകൾ അഴിച്ചപ്പോൾ ഷൈനി ഞങ്ങളെ എല്ലാവരെയും മാറി മാറി നോക്കി , എന്താണ് ചെയ്യാൻ പോകുന്നതെന്ന ഭാവത്തിൽ ..

”ഇറങ്ങെടി ..”

അവൾ;പ്രിയയെ ഒന്ന് തറപ്പിച്ചു നോക്കി ,

”എന്താടി കൂത്തിച്ചി നോക്കി പേടിപ്പിക്കുന്നത് ? നിനക്ക് കിട്ടിയതെന്നും പോരെ ..”

”പ്രിയ മാഡം , ആളുകൾ ശ്രദ്ധിക്കും ..”

”അത് സാരമില്ല ,പിങ്ക് പോലീസിന്റെ പട്രോളിംഗ് വണ്ടി അപ്പുറത്തുണ്ട് , എന്തെങ്കിലും മോഷണക്കേസു ചാർത്തി കസ്റ്റഡിയിൽ വച്ച് ഇവള് വാ തുറക്കാത്ത വിധത്തിൽ ഞാൻ പെരുമാറിക്കൊള്ളാം ”