Posted by അമൽ : ഡാ… നീരജെ…! മൈരെ എഴുന്നേൽക്ക്..
അമലിൻ്റെ കുലുക്കിയുള്ള വിളിയിൽ ആയിരുന്നു ഞാൻ ഉണർന്നത്…! അത്യാവശ്യം നല്ല മഞ്ഞുള്ളത് കൊണ്ട് ശരീരം ആകെ തണുത്ത മരവിച്ചിരുന്നു..! അടിച്ച സാധനത്തിൻ്റെ പവർ കൊണ്ടാണോ , അതോ ഉറക്കം വിട്ട് പോകാത്തത് കൊണ്ടാണോ എന്തോ ഞാൻ എഴുന്നേൽക്കാൻ ശ്രമിക്കുന്നത് വലിയ ലാഗ് ഫീൽ ചെയ്തു..!
അമൽ : വേഗം വന്ന് കേറ് മൈരെ..!
അമലിൻ്റെ ഉയർന്ന ശബ്ദത്തിൽ ഞാൻ കിട്ടിയ വെള്ളവും അകത്താക്കി ബൈക്കിൻ്റെ പിന്നിലേക്ക് കേറി..! ഹാങ് ഓവറും ഉറക്കക്ഷീണവും തണുപ്പും എല്ലാം കൊണ്ടും ചുറ്റിൽ നടക്കുന്നത് എല്ലാം ഒരു ട്രാൻസ് മൂഡിൽ കേൾക്കുന്നത് പോലെ അവ്യക്തവും നേരിയതുമായിരുന്നു..!
അമലായിരുന്നു ബൈക്ക് എടുത്തത്..! ഞങ്ങൾക്ക് മുൻപിൽ വേറെ ഏതോ വണ്ടി പോയി കൊണ്ടിരികുന്നുണ്ടായിരുന്നു..! മഞ്ഞിൻ്റെ കോടയിൽ ഇടയ്ക്ക് ചുവന്ന ബ്രേക്ക് ലൈറ്റ് കത്തുന്നത് മാത്രം കാണാം..! ഞാൻ അമലിൻ്റെ തോളിൽ തല വച്ച് കിടന്നു ..!
അമൽ : ഡാ..നി ഓക്കേ അല്ലെ…!
നീരജ് : ഉം…😶
തിരിച്ചൊരു മൂളൽ മാത്രേ എൻ്റെടുത്ത് തിരിച്ച് കൊടുക്കാൻ ഉണ്ടായിരുന്നുള്ളു..!
കുറച്ച് നേരത്തിന് ശേഷം അവൻ വണ്ടി കൊണ്ടോയി നിറുത്തി..!
അമൽ : ഇറങ്ങ്…!
അവൻ പറഞ്ഞത് കേട്ടിട്ട് ഞാൻ ഇറങ്ങി..! മുൻപിൽ പ്രകാശം കൊണ്ട് നിറഞ്ഞ ഒരു വീട്..! ട്യൂബ് ലൈറ്റും കളർ ലൈറ്റും പന്തലും കണ്ടപ്പോഴേ തോന്നി കല്യാണ വീടാണെന്ന്..!