Posted by എല്ലാം തകർന്നവനെ പോലെ, വിയർത്തു കുളിച്ചു ഞാൻ നിലത്തേക്ക് നോക്കി നിന്നതേയുള്ളൂ. മുൻപുണ്ടായിരുന്ന ആ കോൺഫിഡൻസ് എവിടെയോ പോയി. കാലിൽ നിന്ന് ഒരു തരിപ്പ് അരിച്ചു കയറുന്നു. അഡ്രിനാലിന്റെ ആ പുഷ്, സാഹസികത, ആത്മവിശ്വാസം ഒക്കെ പോയി. അനുസരണയുള്ള കുട്ടിയെ പോലെ ഞാൻ അയാളെ നോക്കി. മുതലാളി തുടർന്നു.
“ഇത് മുരുഗേശൻ, നിന്റെ കൂടെ ഫാമിന്റെ മേൽനോട്ടം വഹിക്കും. നിന്റെ കെയർ ടേക്കർ കൂടിയാണ്. വർക്കിന്റെ കാര്യത്തിലെ വീഴ്ചകൾക്ക് വേണ്ടി വന്നാൽ ഇയ്യാളും നിന്നെ തല്ലും. പകൽ എല്ലാം ഫാമിൽ പോയി ഈ യൂണിഫോം ഒക്കെ ഇട്ടു ജോലി ചെയ്യണം. മുരുഗേശൻ പറയുന്ന കാര്യങ്ങൾ അനുസരിക്കണം. കർക്കശക്കാരൻ ആണ് മുരുഗേശൻ. പകൽ പണിയെടുക്കുമ്പോൾ ജോലിക്കാരെ നോക്കണം, വെള്ളം പമ്പ് ചെയ്യണം, വളം ഒക്കെ സപ്ലൈ ചെയ്യണം, ഫാമിൽ എന്താവശ്യം ഉണ്ടോ അത് നീ ചെയ്യണം, വെയിലിലും ചെളിയിലും ഒക്കെ നിക്കേണ്ടി വരും, അല്ലാതെ കാറ്റ് കൊണ്ട് കമ്പ്യൂട്ടറിന്റെ മുന്നിൽ ഇരിക്കാനൊന്നും പറ്റില്ല. സെൽസിനു മുരുഗേശനോടൊപ്പം കടകളിൽ പോണം, ജീപ്പ് എടുത്ത്, ബോർ വെല്ലിന്റെ ടാങ്ക് ഉണ്ട് അവിടെ; വൈകിട്ട് അതിൽ ഒരു കുളി ഒക്കെ കഴിഞ്ഞു വീട്ടിൽ ഇടാൻ ഉള്ള യൂണിഫോം ഇട്ടു ലെഡ്ജർ ഒക്കെ എടുത്ത് ഇവിടെ വരണം. രാത്രി അക്കൗണ്ട് നോക്കണം. പിന്നെ തമിഴ് എഴുതാനും വായിക്കാനും ഞാൻ നിനക്ക് ക്ലാസ് തരും. വീട്ടിൽ അത്യാവശ്യം എന്തെങ്കിലു ജോലി ഉണ്ടെങ്കിൽ അതും ചെയ്യണം. ഒന്നുകിൽ ഞാൻ അല്ലെങ്കിൽ മുരുഗേശൻ ഇപ്പോഴും നിന്റെ കൂടെ ഉണ്ടാവും. നന്നായി പണിയെടുത്താൽ ശനിയാഴ്ച വൈകിട്ട് എന്റെ ഒന്നുരണ്ടു സമപ്രായക്കാരായ കൂട്ടുകാർ വരും. ഞങ്ങൾ നല്ല ഇറച്ചിയൊക്കെ വേവിച്ചു ഒരു ബോട്ടിൽ പൊട്ടിക്കും. അതിൽ നിന്ന് നിനക്കും രണ്ടെണ്ണം അടിക്കാം. ശനിയാഴ്ച ഒരു മൂവിയും ടി വി യിൽ കാണാം. രാവിലെ എണീറ്റ് എക്സർസൈസ് ചെയ്യണം. ഇതാണ് നിന്റെ ദിനചര്യ.”