Posted by “” ടാ പൊട്ടാ… “” ഒരു വിളിയോടെ ന്റെ പുറത്തേക്ക് ന്തോ വന്നിടിച്ചു. ഞാൻ ഞെട്ടി തിരിഞ്ഞു നോക്കുമ്പോ കയ്യും കെട്ടി വലതു കാൽ നിലത്തേക്ക് ആട്ടി ന്നെ സൂക്ഷ്മം നോക്കി നിക്കയാണ്..
ഞാൻ നോക്കിയെന്ന് കണ്ടതും
“” നാളെ നിനക്കെന്താ പരുപാടി….?? “”
അവള് ചോദിച്ചതിന് ഞാൻ കണ്ണ് മിഴിച്ചതും,
“” എടാ നാളെ നിനക്ക് ന്തെങ്കിലും പരുപാടിയുണ്ടോന്ന്….?? “”
“” ഏഹ്… ഇ… ഇല്ല… “”
“” മ്മ്.. ന്നാ നമ്മക്കൊന്ന് പുറത്ത് പോവാം..
ഞാൻ നമ്മടെ കോളേജിന്റെ വെളിയിൽ കാണും രാവിലെ, നീ അങ്ങോട്ട് വന്നാ മതി… “”
ഞാൻ വീണ്ടും പൊട്ടൻ ആട്ടം കാണുന്ന പോലെ നോക്കി നിന്നതും
“” മിഴുകസ്യന്ന് നിക്കാതെ പോകാൻ നോക്കെടാ പൊട്ടാ… ഇല്ലേ എല്ലാരും കൂടെ നിന്നെയിവിടെ കെട്ടിയിടും… “”
ഞാൻ തലയൊന്ന് ചൊറിഞ്ഞു തിരിഞ്ഞു നടന്നു, ഉള്ളിൽ ന്തിനോ ആയി നുരഞ്ഞു പൊന്തുന്ന സന്തോഷത്തോടെ.. തിരിഞ്ഞു നോക്കിയില്ല.. നിക്കറിയാം ഒരു ചിരിയോടെ ന്റെ പോക്കും നോക്കിയവൾ നില്കുന്നുണ്ടെന്ന്….
“”””””””””””””””””””””””””””””””””””””””””””””””””””
ഇടക്ക് വീണ നീണ്ട നിശബ്ദത നീക്കി സിദ്ധുവൊന്ന് ശ്വാസമെടുത്തു,
“” ന്താടാ….! ന്താ നി നിർത്തിയെ…?? ന്തെങ്കിലും പ്രശ്നമുണ്ടോ…?? “”
കേട്ടുകൊണ്ടിരുന്ന കഥ ഇടയ്ക്കു നിന്നു മുറിഞ്ഞതിലുള്ള നീരസം അപർണ്ണയുടെ വാക്കിലുണ്ടായിരുന്നു…. അവനൊന്നും മിണ്ടിയില്ല, മറിച്ചു ആ സോഫയിൽ നിന്നും എണ്ണിറ്റ്.
“” സ്റ്റെഫി വന്നില്ലേ….!””
ന്റെയാ ചോദ്യത്തിന് അവനൊന്ന് ചിരിച്ചു