Posted by “”ടാ അഭി ദേ പോകുന്നതൊക്കെ കൊള്ളാം നേരത്തും കാലത്തും വന്നേക്കണം കേട്ടല്ലോ…!!!എവിടെ പോണേലും ഇ മുടിയൊന്നു വെട്ടിയിട്ടു പോയേക്കണേ…!!!പിന്നെ ദൈവത്തെ ഓർത്തു ഫോൺ വിളിച്ച ഒന്നു എടുത്തേക്കണെടാ അഭി..!!! നി പോയിട്ട് കാണാതിരിക്കുമ്പോ ജീവൻ പോണത് എന്റെയാ..!!!!””
അമ്മയുടെ ആവലാതി കേട്ടപ്പോൾ എനിക്കങ്ങു പാവം തോന്നി…
“”എന്റമ്മേ ഞാൻ പൊക്കോളാം മുടി വെട്ടാൻ തന്നെയാ പോണേ…!!!അതു കഴിഞ്ഞൊന്നു കണ്ണന്റെ വീട്ടി പോണം..!!! പിന്നെ വിളിച്ചോണ്ട് ഇരിക്കണ്ട..!!! ഞാൻ തിരക്കിലാണെൽ എടുക്കാൻ ഒന്നും പറ്റില്ല അതോണ്ടാ..!!!ഞാൻ വന്നോളാം എങ്ങോട്ടും പോകത്തൊന്നുമില്ല.!!!. “”
അമ്മയ്ക്കും മറുപടിയും കൊടുത്തു ഞാനെന്റെ വീട്ടിൽ നിന്നും ഇറങ്ങി…
വണ്ടിയും എടുത്തു നേരെ ടൗണിലേക്ക് വിട്ടു…
ബാർബർ ഷോപ്പിൽ എത്തിയ ഞാൻ അവിടുത്തെ തിരക്ക് കണ്ടപ്പോൾ എന്ന പിന്നെ കണ്ണനെ ഒന്നു വിളിക്കാമെന്ന് വെച്ചു ഫോൺ എടുത്തു….
രണ്ടു മൂന്നു വട്ടം ഫോൺ റിങ് ചെയ്തപ്പോൾ തന്നെ അവൻ ഫോൺ എടുത്തു….
“”ടാ എവിടെയാ..!!..””
ഫോൺ എടുത്തപാടെ അവനെന്നോട് ഇങ്ങോട്ട് ചോദിച്ചു….
“”ഞാനിവിടെ ടൗണിലാട…!!!ഒന്നു മുടി വെട്ടാൻ വന്നിരിക്കുവാ..!!! ഇതു കഴിഞ്ഞിട്ടു ഞാൻ അങ്ങോട്ട് വരാം..!! നി എന്തെടുക്കുവാ അവിടെ…!!!.
ഞാനവനോട് ചോദിച്ചു….
“”ഓ ടൗണിലാണോ..!!! ഞാൻ വീട്ടിൽ ഉണ്ടെടാ നി മുടിയൊക്കെ വെട്ടി ഇങ്ങോട്ട് വാ…!!!!ഞാനിവിടെ ഉണ്ടാകും..!! നി വന്നിട്ട് എവിടേലും പോകാം..!!! എനിക്ക് ഇന്ന് പ്രതേകിച്ചു പരുപാടി ഒന്നുമില്ല…!!!..””