Posted by “”ഹലോ എന്താടാ അനു..!!.””
ഫോൺ എടുത്തപാടെ ചേച്ചി എന്നോടാരാഞ്ഞു….
“”അതു ചേച്ചി..!!ചേച്ചി ഇന്നലെ രാത്രി എനിക്ക് കാണണമെന്ന് പറഞ്ഞു മെസ്സേജ് അയച്ചില്ലേ.!!? അതു എന്തിനാന്നു ചോദിക്കാൻ വിളിച്ചത..!!..
അതു പറയുമ്പോൾ എന്റെ ഉള്ളിൽ എന്തെന്നില്ലാത്ത ഒരു ഭയം തോന്നി…
“”ഓ അതാണോ കാര്യം…!!! നേരിട്ട് പറയാം നി വാ…!!!ഇങ്ങനെ ഫോണിൽ പറഞ്ഞാൽ അതു ശരിയാവില്ല…!!! എനിക്ക് നിന്നെ നേരിട്ട് കാണണം അനു അപ്പൊ പറയാം..!!””
ചേച്ചിയെനിക്കൊരു പിടിയും തരാതെ പറഞ്ഞു…
“”മ്മ് ഞാൻ അങ്ങോട്ട് വരുന്നുണ്ട് ചേച്ചി കുറച്ചു കഴിഞ്ഞു…!!!ചേച്ചി വീട്ടിൽ തന്നെ ഉണ്ടാവില്ലേ..!!.””
ഞാൻ സംശയത്തോടെ ചോദിച്ചു…
“”ഞാൻ വീട്ടി തന്നെ ഉണ്ടാവുമെടാ നി വാ..!!””
ചേച്ചി കൂടുതൽ ഒന്നും പറയാതെ ഫോൺ കട്ട് ചെയ്തു….
എന്നാലും എന്തായിരിക്കും ചേച്ചിയുടെ മനസ്സിൽ…
ഞാൻ തലപുകഞ്ഞാലോചിച്ചു…
അങ്ങനെ കുറച്ചവിടെ കാത്തിരുന്ന ശേഷം ഞാൻ മുടിയൊന്നു വെട്ടി നല്ല ചുള്ളനായി….
ചേച്ചി കാണുമ്പോ എനിക്ക് ഇത്തിരി ഭംഗിയുണ്ടായികോട്ടെന്ന് കരുതി….
അങ്ങനെ വണ്ടിയും എടുത്തു ടൗണിൽ നിന്നും നേരെ കണ്ണന്റെ വീട്ടിലേക്കു വിട്ടു….
മനസ്സിൽ മുഴുവൻ വിദ്യേച്ചി എന്നോട് എന്തു പറയുമെന്നത് മാത്രമായിരുന്നു….
കണ്ണന്റെ വീട്ടിലേക്കു വണ്ടി തിരിച്ചപ്പോൾ തന്നെ ഫോണും വിളിച്ചു കൊണ്ട് പുറത്തു കൂടെ ഉലാത്തുന്ന ചേച്ചിയെയാണ് ഞാൻ കണ്ടത്….
ചേച്ചിയുടെ മറ്റവൻ ആയിരിക്കും ഫോണിലെന്നെന്റെ മനസു പറഞ്ഞു….
എന്നെ കണ്ട ചേച്ചി ഫോണൊന്നു മാറ്റുന്നത് കണ്ടപ്പോൾ ഞാനതു ഉറപ്പിച്ചു….