Posted by ഒന്നു പുഞ്ചിരിച്ചുകൊണ്ടെന്റെ കൈയിലേക്ക് ചേച്ചി ആ ഫോൺ എടുത്തു തന്നു….
എന്റെ അടുത്തായി മെല്ലെ ചേച്ചിയും ഇരുന്നു…..
“എങ്ങനെ ഉണ്ട് അനു ഇപ്പൊ പുകച്ചില് കുറവുണ്ടോ മാറിയോടാ..!!”
ചേച്ചി പതിയെ എന്റെ മുഖത്തൊന്നു തൊട്ടു കൊണ്ട് ചോദിച്ചു….
“”ഉണ്ട് ചേച്ചി കുറച്ചു ആശ്വാസമുണ്ടിപ്പോ””
അടിയേറ്റ ചൂട് അങ്ങനെയൊന്നും മാറില്ലല്ലോ….
“”മാറുമെടാ അനു നല്ല മരുന്ന ഇതു കണ്ണനൊക്കെ ഇങ്ങനെ എന്തേലും ആവുമ്പോ ഞാൻ ആക്കി കൊടുക്കണത””
ചേച്ചി തന്നെ സ്വയം പുകയ്തി പറഞ്ഞതാണെന്ന് എനിക്ക് മനസിലായി…
“”മ്മ് ശരിയാ ചേച്ചി നല്ല മാറ്റമുണ്ടിപ്പോ””
ഞാൻ ചിരിച്ചു കൊണ്ടെന്നപോലെ മറുപടി കൊടുത്തു….
“”അല്ലടാ അനു കല്യാണത്തിന് പോയിട്ട് നീ ആരെയും നോക്കി വെച്ചെന്നുമില്ലേ..?
ഒരുപാട് പെൺപിളേരൊക്കെ ഉണ്ടായിരുന്നല്ലോ അവിടെ…? “”‘
കള്ള ചിരിയോടു കൂടിയുള്ള ചേച്ചിയുടെ ആ ചോദ്യം എന്തിനാണെന്ന് എനിക്കങ്ങു മനസിലായില്ല….
“”അതെന്ത ചേച്ചി അങ്ങനെ ചോദിച്ചേ ഞാനങ്ങനെ പെൺപിള്ളേരുടെ വായി നോക്കി നടക്കുവൊന്നുമല്ല””
വെറുതെയെന്നോണം ഞാനൊന്നു മാന്യൻ ചമഞ്ഞു…
“”അയ്യടാ ഒരു പുണ്യാളൻ വന്നേക്കണ് ഞാൻ കണ്ടായിരുന്നു മോനെ നീ ആ വടക്കേപ്പുറത്തെ വർഷയെ വായി നോക്കി നിൽക്കണത് എന്തായിരുന്നു ചെക്കന്റെ നോട്ടം നീ എന്താ വിചാരിച്ചേ ആരും കാണില്ലെന്നോ ആ ചേച്ചിയും നിന്നെ തന്നെ ശ്രദ്ധിക്കുന്നുണ്ടായിരുന്നല്ലോ സത്യം പറ അനു എന്താടാ കാര്യം””
ചേച്ചിയുടെ മറുപടി കേട്ടു ഞാനൊന്നു അമ്പരന്നു പോയി…
ഇതൊക്കെ ഇ ചേച്ചി എങ്ങനെ കണ്ടു അപ്പൊ എന്നേം ശ്രദ്ധിച്ചു കൊണ്ട് നിൽക്കുകയായിരുന്നോ അവിടെ വിദ്യേച്ചി….