Posted by “”ഞാൻ പറഞ്ഞെന്നെ ഉള്ളുടാ ബാക്കിയൊക്കെ നിന്റെ ഇഷ്ടം എന്തായാലും നമ്മുക്ക് ഇതു ആന്റിയുടെ വീട്ടിൽ പോയി കൊടുത്തിട്ടു വരാം നീ ഇറങ്ങു ഇനി ഇതും കൊണ്ട് തിരിച്ചു പോയാൽ നിന്റെ അമ്മ വഴക്ക് പറയുന്നത് എന്നെ ആയിരിക്കും””
ഞാനവനെ പറഞ്ഞൊന്നു മനസിലാക്കിയപ്പോൾ എന്റെ വാക്ക് കേട്ടെന്നോണം അവൻ വണ്ടി ഒന്നു ഒതുക്കി വെച്ച് നേരെ ആന്റിയുടെ വീട്ടിലേക്കു നടന്നു പിറകെ ഞാനും….
അവന്റെ പിറകെ ഒരു ഇട വഴിയിലൂടെ നടന്ന ഞാൻ ഒരു ഓടിട്ട വീട്ടിലേക്കു ചെന്നെത്തി….
തിണ്ണയിൽ ഇരുന്നു എന്തോ ജോലിയിൽ ആയിരുന്നു ആ സമയം അവന്റെ ആന്റി…
ഞങ്ങളെ കണ്ടതും ചിരിച്ചു കൊണ്ട് ഒന്നു എഴുന്നേറ്റു….
“അല്ല ആരിത് കണ്ണൻ മോനോ നിനക്ക് ഇങ്ങോട്ടുള്ള വഴിയൊക്കെ അറിയോ എന്റെ മോനെ ഞങ്ങളെയൊക്കെ അറിയുവോ ഓർമ്മയുണ്ടോ “”
ആന്റിയുടെ മുഖത്തെ സന്തോഷം കണ്ടപ്പോൾ കണ്ണൻ പറഞ്ഞത് സത്യമാണെന്നു എനിക്ക് തോന്നി തുടങ്ങി….
“”നല്ല തിരക്കില ആന്റി അങ്ങനെ എവിടേം പോകാൻ എനിക്ക് സമയം കിട്ടാറില്ല അതാ അല്ലാതെ മറന്നിട്ടൊന്നുമല്ല “”
മുഖത്തു ഒരു ചിരി വരുത്താൻ കണ്ണൻ പാടു പെടുന്നത് കണ്ടപ്പോൾ എനിക്കാണ് ചിരി വന്നത്….
“വാ എന്താ പുറത്തു തന്നെ നിൽക്കണേ കേറി ഇരിക്ക് അല്ല ഇതാരാ കണ്ണാ ഫ്രണ്ട് ആണോ നിന്റെ”
ആന്റി എന്നെ നോക്കി ഒന്നു പുഞ്ചിരിച്ചു കൊണ്ട് കണ്ണനോട് തിരക്കി…
“ആ അതെ ആന്റി എന്റെ ഫ്രെണ്ട ഞങ്ങള് അവിടെ രഘുവേട്ടന്റെ കല്യാണമല്ലേ ഇന്ന് അവിടുന്ന് നേരെ വന്നതാ ആന്റിക്കു ഉണ്ടായിരുന്നില്ലേ കല്യാണം നമ്മുടെ ബന്ധുക്കളല്ലേ അതു”