Posted by
പിറ്റേദിവസം കോളേജിൽ എത്തിയതും ഞങ്ങള് നേരെ ക്ലാസ്സിലേക്ക് കേറി…! വൈകീട്ട് ഫുട്ബോൾ പ്രാക്ടീസ് ഉള്ളതാണേ…! അതോണ്ട് ഉച്ചവരെ ക്ലാസ്സിലിരിക്കാന്നു വിചാരിച്ചു…!
അങ്ങനെ ഉച്ചവരെ ഒരു വിധത്തിൽ തള്ളിനീക്കി…! ശേഷം കാന്റീന്നു ഫുഡും കഴിച്ച് നേരെ ഗ്രൗണ്ടിലേക്ക് വിടുവായിരുന്നു…!
കഴിഞ്ഞ പ്രാവിശ്യം കൊറേ സസ്‌പെൻഷൻ കിട്ടിയ കാരണം ഞങ്ങളെ കോളേജ് ടീമിൽ എടുത്തിരുന്നില്ല…! ഞങ്ങളെ മാത്രല്ല, അന്നത്തെ ടീമിലെ മെയിൻ പ്ലയെർസായ സന്ദീപിനേം ആൽബിയേം പോലും എടുത്തില്ല…! തന്നെക്കെന്നെ കഴിഞ്ഞ പ്രാവിശ്യം ഞങ്ങടെ കോളേജ് ഫസ്റ്റ് റൗണ്ട് തന്നെ വൃത്തിക്ക് പൊട്ടുവേം ചെയ്തു…!
എന്നാലീ പ്രാവിശ്യം അങ്ങനെ ഉണ്ടാവരുതെന്നാണ് ഞങ്ങടെ സ്പോർട്സ് ഇൻചാർജ് ആയ സുരേഷ് സർ ഓർഡർ…! അങ്ങേരാണെങ്കി ഞങ്ങക്ക് ഫുൾ സപ്പോർട്ടും…! പിന്നെന്ത് വേണം…!
സെക്കന്റ്‌ ഇയറിൽ നിന്നും ഞങ്ങള് അഞ്ചുപേരും പിന്നെ വേറൊരുത്തനുമാണ് ടീമുള്ളത്, ബാക്കി മുഴുവനും സെക്കന്റ്‌ ഇയറാണ്…!
അങ്ങെനെ വർമപ്പും കഴിഞ്ഞ് ഞങ്ങള് പ്രാക്ടീസ് തുടങ്ങി…! ടീമിൽ ഫ്രീകിക്ക് എടുക്കാൻ നിയോഗിക്കപ്പെട്ടത് ഞാനാണ്…! അതുകൊണ്ട് തന്നെ ഇന്ന് അതിലൊന്ന് ഫോക്കസു ചെയാൻ ഞാൻ തീരുമാനിച്ചു…!
ശേഷം പോസ്റ്റിലേക്ക് ഓരോ ഷോർട്ട് തൊടുത്തുവിടാൻ തുടങ്ങി…! അപ്പോഴാണ് പിന്നിൽ നിന്നും യദു എന്നെ വിളിക്കുന്നത്,
“” അഭി…! ദോണ്ടേ അങ്ങട്ട് നോക്ക്…! “” ന്നും പറഞ്ഞവൻ ഗ്രൗണ്ടിന് സൈഡിലായുള്ള ഇരിപ്പിഠത്തിലേക്ക് നോക്കാൻ ആംഗ്യം കാണിച്ചതും ഞാൻ കാണുന്നത് ഒരു ലൈറ്റ് ബ്ലൂ ചിരിദാരും അതെ നിറമുള്ള നെറ്റ് പോലത്തെ ഷാൾ ഇട്ട് അവിടെ ഇരിക്കുന്ന ആരതിയെയാണ്…!