Posted by “”…അതേ… അമ്മയെന്താ പറഞ്ഞേന്നറിയോ..??”””_ മീനാക്ഷി വീണ്ടും നിഷ്കളങ്കമായി ചോദിച്ചു…
“”…അതെനിയ്ക്കെങ്ങനെ അറിയാനാ..?? നിന്നോടല്ലേ പറഞ്ഞേ..??”””_ ഞാനല്പം ദേഷ്യംപിടിച്ചതും ഡോക്ടറു പെട്ടെന്നു സൈലന്റായി…
“”…നീപറേടീ… പറയാണ്ടെങ്ങനാ ഞാനറിയുന്നേ..??”””_ അടുത്തറൗണ്ടിനായി വായ തുറന്നുകൊണ്ട് ചോദിച്ചു…
“”…ഓ.! വല്യ ഡിമാന്റല്ലേ..?? അതോണ്ട് പറയണില്ല..!!”””_ പെണ്ണ് മുഖംവീർപ്പിച്ചു…
“”…എടീ… നെനക്ക്… നെനക്കിതെന്താ..??
നിന്നെക്കൊണ്ടിത് വല്യ എടങ്ങേറായല്ലോ..??!! ആ… പോട്ടേ… ഒരു ഡിമാന്റുമില്ല… എന്റെ മിന്നൂസ്പറ..!!”””_ ഞാൻ സമ്മതംമൂളിയതും പെണ്ണിന്റെ മുഖംവിടർന്നു…
അതല്ലെങ്കിലും അങ്ങനെയാ, രാവിലെ ഫ്ലാറ്റിൽ നിന്നിറങ്ങുന്നതുമുതൽ തിരിച്ചുവന്ന് ഫ്ലാറ്റിൽ കയറുന്നതുവരെയുള്ള സകല പൊട്ടും പൊടിയും രാത്രിയിലെന്നെ പറഞ്ഞു കേൾപ്പിച്ചില്ലെങ്കിൽ പുള്ളിക്കാരിയ്ക്കൊരു സമാധാനവുമുണ്ടാകില്ല….
ഇനിയിപ്പോൾ ഞാൻ കേൾക്കാൻ കൂട്ടാക്കിയില്ലേൽ പിന്നെ സിദ്ധാർത്ഥിനെ തിരഞ്ഞിങ്ങോട്ടാരും വരണോന്നുമില്ല…
“”…അതേ… അമ്മ ചോദിയ്ക്കുവാ ഇങ്ങനൊക്കെ നടന്നാമതിയോ ഒരു കുട്ടിയൊക്കെ വേണ്ടേന്ന്..!!”””_ അവളെന്നോട് ചേർന്നുനിന്ന് കൊഞ്ചുന്ന സ്വരത്തിൽപറഞ്ഞു…
“”…എന്നിട്ട് നീയെന്തോപറഞ്ഞു..??”””_ ചെരിഞ്ഞുനിന്ന മീനാക്ഷിയുടെ തോളിൽ ചേർത്തുപിടിച്ചെന്നിലേയ്ക്ക് അടുപ്പിച്ചുകൊണ്ട് ഞാൻതിരക്കി…
“”…ഞാനെന്തോ പറയാൻ… സ്ഥിരം പല്ലവി..!!”””_അവള് പുറത്തേയ്ക്കുതന്നെ നോക്കി…