ഈ പ്രശ്നത്തിൽ താനെന്ത് ചെയ്യാനാ… സുകുവേട്ടൻ പോകാതെ തനിക്ക് ഇങ്ങിനെയൊക്കെയേ പറ്റൂ.
ഇനി തനിക്ക് പകരം… മറ്റൊരാളെ…
ഹേയ്… അതൊന്നും വേണ്ട..
രേഖയുടെ കാമഭ്രാന്തിന് പറ്റിയ വേറൊരാളെ കണ്ടെത്താൻ ഏതായാലും കഴിയില്ല.
പെട്ടെന്ന്… സ്മിതയുടെ തലയിൽ ചെറിയൊരു തീപ്പെരി തെളിഞ്ഞ പോലൊരു തോന്നൽ. അത് പതിയപ്പതിയെ കൂടുതൽ തെളിഞ്ഞ് വരുന്നതായി അവൾക്ക് തോന്നി.
അവൾ കസേരയിൽ നിന്ന് പതിയെ എഴുന്നേറ്റു. പിന്നെ ക്ലാസിലെ ലീഡറെ വിളിച്ച് ക്ലാസ് ഏൽപ്പിച്ച് പുറത്തേക്കിറങ്ങി. ഒഴിഞ്ഞവരാന്തയിലൂടെ എട്ടാം തരം ബി ക്ലാസ് ലക്ഷ്യമാക്കി നടന്നു. വരാന്തയുടെ ഏറ്റവും അറ്റത്താണത്. മൂന്നാല് ക്ലാസ് മുറികൾ കടന്ന് അവൾ വരാന്തയുടെ അറ്റത്തെത്തി. പിന്നെ ജനലിലൂടെ ഒന്നെത്തി നോക്കി. അവിടെ ക്ലാസെടുത്ത് കൊണ്ടിരിക്കുകയായിരുന്ന ജൂലി ടീച്ചറിനെ കുറച്ച് നേരം നോക്കി നിന്നു. പിന്നെ വേഗം തൻ്റെ ക്ലാസിലേക്ക് മടങ്ങി.
വീണ്ടുമവൾ കസേരയിലേക്കിരുന്നു. അവളുടെ മനസിൽ എന്തൊക്കെയോ കണക്കുകൂട്ടൽ നടന്നുകൊണ്ടിരുന്നു.
ജൂലി ടീച്ചർ… മുപ്പതിൻ്റെ നിറവിൽ ജ്വലിച്ചു നിൽക്കുന്ന മാദകത്തിടമ്പ്. മുന്നും പിന്നും മാംസധാരാളിത്തത്താൽ സമ്പുഷ്ടമായ നെടുവരിയൻ അച്ചായത്തി. സൗന്ദര്യം കൊണ്ടും, ശരീരം കൊണ്ടും പുരുഷ കുലത്തെയാകെ ഇളക്കാൻ കഴിവുള്ളവൾ.
രണ്ട് വർഷം മുൻപാണ് ജൂലി ഇവിടെ ജോലിയിൽ കയറിയത്. അവളുടെ ആദ്യ പോസ്റ്റിംഗ് ഇവിടെയായിരുന്നു. ഇരുപത്തിയാറാം വയസ്സിൽ വിവാഹിതയായ ജൂലി അതിന് ശേഷമാണ് ജോലിയിൽ കയറിയത്. പരമ്പരാഗത ക്രിസ്തീയ കുടുംബമായ ഭർത്താവ് ജോയിയുടെ വീട്ടുകാർ അവൾ ജോലിക്ക് പോകുന്നതിനെ ശക്തമായി എതിർത്തു. എന്നാൽ താൻ കഷ്ടപ്പെട്ട് നേടിയ സർക്കാർ ജോലി ഉപേക്ഷിക്കാൻ ജൂലി തയ്യാറായില്ല. ജോയിയോടും, അവൻ്റപ്പൻ വറീതിനോടും അതിൻ്റെ പേരിൽ ശക്തമായ വാദ്രപ്രതിവാദം നടത്തി അവൾ ഭർതൃവീടിൻ്റെ പടിയിറങ്ങി. അല്ലെങ്കിലും ജോയിയുമായി അവൾ നല്ല ബന്ധത്തില്ലായിരുന്നു. ജൂലിയുടെ സങ്കൽപത്തിന് അടുത്തെത്താൻ പോലും ജോയിക്ക് കഴിഞ്ഞില്ല. അതിസുന്ദരിയായ ജൂലിക്ക് സൗന്ദര്യം കൊണ്ട് കട്ടക്ക് നിൽക്കുന്നവനായിരുന്നു ജോയിയും. അതിലാണൾ വീണുപോയതും .പക്ഷേ ദിവസങ്ങൾ ചെല്ലുന്തോറും വൃത്തികെട്ട സംശയരോഗം ജോയിയെ പിടികൂടി. അവൻ്റെ കൂടെയുള്ള ജീവിതം മടുത്തിരുന്ന ജൂലിക്ക്, ജോലി കിട്ടിയത് ഒരാശ്വാസമായി. ആ പേരിൽ കലഹമുണ്ടാക്കി അവൾ അവിടെ നിന്നും ചാടി. പക്ഷേ രണ്ട് വർഷമായിട്ടും അവർ ബന്ധം വേർപെടുത്തിയിട്ടില്ല. ജോയി ഇപ്പഴും ഇടക്കിടെ വിളിച്ച് ജോലി ഉപേക്ഷിച്ച് തൻ്റെ കൂടെ വരാൻ പറയും. അതിനവൾ തയ്യാറുമല്ല.