എല്ലാം ശരിയാകും എന്റെ റാബിയ കുട്ടി എന്ന് പറഞ്ഞോണ്ട് ഞാൻ ഉമ്മയുടെ താടി പിടിച്ചൊന്നു കുടഞ്ഞു..
അപ്പോയെക്കും സമീറ അങ്ങോട്ടേക്ക് കയറിവന്നു.
എന്താണ് ഉമ്മയും മോനും കൂടെ ഒരു സ്വകാര്യം..
ഞങ്ങൾക്കെന്തെല്ലാം പറയാനുണ്ടാകും. നിനക്കും ഫെമിക്കും വേണ്ടതെല്ലാം തന്നില്ലേ എന്ന് പറഞ്ഞോണ്ട് ഉമ്മ അവളെ നോക്കി..
ഹോ ഞാനൊന്നും പറയുന്നില്ലേ ഉമ്മയും മോനും എന്താന്ന് വെച്ചാ പറഞ്ഞോ എന്ന് പറഞ്ഞോണ്ട് സമീറ എന്നെ നോക്കി ചിരിച്ചു.
ഉമ്മാക്ക് ഇപ്പൊ എന്താ മോനെ കിട്ടിയ സന്തോഷം അല്ലെ..
അതേടി എന്റെ ഈ മോൻ ഉണ്ടായത്കൊണ്ട് നിനക്കൊക്കെ ഓരോരുത്തൻ മാരെ ഏല്പിച്ചു തന്നു..
പോട്ടെ ഉമ്മ അവൾ നമ്മളെ കളിയാക്കിയതല്ലേ.
ഇവനൊരുത്തിയെ കണ്ടെത്തേണമെന്ന് നിനക്ക് തോന്നിയോടി.
ഹോ അതാണോ കാര്യം ഉമ്മ.
നിങ്ങടെ പുന്നാരമോനോട് ഞാൻ എത്ര പറഞ്ഞതാ ഫെമിയുടെ നിക്കാഹിന്റെ കൂടെ നിന്റെയും നമുക്ക് നോകാം എന്ന് കേൾക്കണ്ടേ..
അവന്നു കുറച്ചൂടെ കഴിഞ്ഞു മതിയെന്ന പറയുന്നേ..
പിന്നെ ഞാനെന്തു ചെയ്യാനാ.
ഇക്ക ഇന്നലെ വിളിച്ചപ്പോഴും അത് തന്നെയാ ചോദിച്ചേ ഫൈസലിന്റെത് കൂടെ ഒരുമിച്ചു നടത്താമായിരുന്നു എന്ന്.
അതെങ്ങിനെ ഇവനൊന്നും സമ്മതിച്ചാൽ അല്ലേ.
അളിയനോട് അടുത്ത പ്രാവിശ്യം വരുമ്പോൾ എല്ലാം ശരിയാക്കാം എന്ന് പറ.
അന്ന് ഇത് പോലെ ലീവില്ല എന്ന് പറയരുത് എന്ന് പറഞ്ഞേക്കണേ.
നിന്റെ കല്യാണത്തിന് എങ്ങിനെ ആയാലും വരും. അതിപ്പോ ജോലി പോയാലും വേണ്ടില്ല എന്നാ പറയുന്നേ.
ഹോ അത്രയ്ക്ക് ഇഷ്ടമാണോ ഈ അളിയനെ..
മതിയെടാ അവളെ കളിയാക്കിയത്. വാ വല്ലതും കഴിച്ചിട്ടാകാം ബാക്കി.
സമീറ ചോയെടുത്തു വെക് എന്ന് പറഞ്ഞോണ്ട് ഉമ്മ എന്നെയും കൂട്ടി ഡൈനിങ് ഹാളിലേക്ക് നടന്നു.
ഓർക്കുമ്പോൾ ഒരു വേദനപോലെയാണെങ്കിലും ഒരുപാട് സന്തോഷം നിറഞ്ഞു നിൽക്കുന്നുണ്ട് ഓർമകളിലും മനസ്സിനും..