Posted by
“ടാ ശബ്ദം ഒന്നും ഉണ്ടാക്കല്ലെ” ഞാൻ പതിയെ പറഞ്ഞു.
‘“ എനിക്ക് നിന്നെയാ പേടി, നീ വന്ന കാര്യം നോക്ക്” അവനും വിട്ടില്ല
ഞാൻ അവളുടെ റൂമിൻ്റെ ജനാല ലക്ഷ്യമാക്കി നടന്നു. ജനാലക്കരികിലെത്തിയ ഞാൻ പതിയെ ജനാല തുറക്കാൻ നോക്കി. ഭാഗ്യത്തിന് ഒരു പാളി തുറന്നു കിടപ്പുണ്ടായിരുന്നു,ഞാൻ പതിയെ തുറന്നു. അകത്തെ സീറോ വോൾട്ടിൻ്റെ വെട്ടത്തിൽ ഞാൻ കണ്ടു, കട്ടിലിൻ്റെ അറ്റത്തായ് കിടന്നു ഉറങ്ങുന്ന മായയെ. തൊട്ടടുത്തായ് ആരോ കിടപ്പുണ്ട്,കണ്ടിട്ട് മകളാണെന്ന് തോന്നുന്നു. ‘എങ്ങാനാ ഇപ്പൊ വിളിക്കുന്നെ, ഞാൻ അലോചിച്ച ശേഷം മുറ്റത്ത് നിന്നും ചെറിയ ഒരു കല്ലെടുത്ത് മായയെ എറിഞ്ഞു കൃത്യം കൈത്തണ്ടയിൽ ഏറ് കൊണ്ട മായ ഞെട്ടി എഴുന്നേറ്റു.
‘“ശ്… ശ് ശ്….” ഞാൻ ശബ്ദിച്ചു. അവൾ ശബ്ദം കേട്ട ഭാഗത്തേക്ക് നോക്കി, “ നിലാ വെളിച്ചത്തിൽ ജനാല കമ്പിയിൽ കൈകൾ പിടിച്ച് നിൽക്കുന്ന എന്നെ കണ്ടതും അവൾ ഞെട്ടിത്തരിച്ച് വായ പൊത്തിപ്പിടിച്ചു. അമ്പരപ്പോടെ അവൾ പതിയെ ശബ്ദമുണ്ടാക്കാതെ എൻ്റെ അരികിലേക്ക് വന്നു.
“ നീ എന്താ ഈ സമയത്തിവിടെ എന്നെ കൊലക്ക് കൊടുക്കാൻ വന്നതാണോ ഈ രാത്രി”മായ ഭയപ്പെട്ടു കൊണ്ട് അരണ്ട ശബ്ദത്തിൽ ചോദിച്ചു.
“എനിക്ക് ഇപ്പൊ നിന്നെ കാണണം എന്ന് തോന്നി, അതാ വന്നെ”
“നിനക്ക് വല്ല വട്ടും ഉണ്ടോ, ഈ രാത്രി ഇങ്ങനെ വന്നു നിക്കാനായിട്ട്, ആരെങ്കിലും കണ്ടാൽ പിന്നെ എന്താ സംഭവിക്കുക എന്നറിയാമല്ലോ അല്ലെ”
“ എൻ്റെ പൊന്നെ നിന്നെ ഇപ്പൊ കണ്ടില്ലെങ്കിൽ എൻ്റെ ജീവൻ പോകുമെന്ന് തോന്നിയത് കൊണ്ടാ ഞാൻ ഈ രാത്രിയിൽ ഇങ്ങോട്ട് വന്നെ”
“ കണ്ടില്ലെ നീ ഇനി പോകാൻ നോക്ക്, ദേ മോള് കിടക്കുന്നു, ശബ്ദം കേട്ടാൽ അവൾ എഴുന്നേൽക്കും, നീ ഒന്നു പോ….” അവൾ കൈകൾ കൂപ്പി കൊണ്ട് എന്നോട് കരയുന്ന പോലെ പറഞ്ഞു.