Posted by ഇത് കേട്ട വിഷ്ണു പതിയെ ചിരിച്ചു
സ്‌നേഹ : അപ്പോൾ ഇതായിരുന്നല്ലെ നിന്റെ അസുഖം നിനക്ക് ഒരു ദിവസം പോലും അവളെ കാണാതിരിക്കാൻ പറ്റുന്നില്ല അല്ലേ
വിഷ്ണു : അവൾക്ക് അങ്ങനെ വലുതായി ഒന്നും കാണില്ലെടാ നീ വെറുതെ മൂഡ് ഓഫ് ആകണ്ട പിന്നെ ഇന്റർവെല്ലിന് ശേഷം ക്ലാസ്സിൽ ചെന്ന് കേറിയേക്കണം വെറുതെ ഇവിടെ ഇരുന്ന് ടെൻഷൻ അടിക്കേണ്ട
ഇത്രയും പറഞ്ഞ ശേഷം വിഷ്ണുവും സ്‌നേഹയും ഒരു ബുക്കുമെടുത്ത് കൊണ്ട് പുറത്തേക്കു പോയി
ആദി വീണ്ടും രൂപയുടെ നമ്പർ ഡയൽ ചെയ്തു നോക്കി
“മൈര് ”
“ഇവൾക്ക് ഫോൺ ഒന്ന് എടുത്താൽ എന്തായി പോകും ”
സമയം പിന്നെയും കടന്നുപോയി -ഇന്റർവെൽ ടൈം
ആദി പതിയെ ക്ലാസ്സിലേക്ക് എത്തിയ ശേഷം ഗീതുവിന്റെ അടുത്തേക്കു പോയി
ആദി : അതെ അവൾക്ക് എന്താ പ്രശ്നം
ഗീതു : ആർക്ക്
ആദി : നിന്റെ കൂട്ടുകാരിക്ക് വയ്യെന്ന് എന്തോ പറയുന്നത് കേട്ടല്ലോ
ഗീതു : ഓഹ് രൂപയൊ എനിക്കും കൃത്യമായി അറിയില്ല രാവിലെ വയ്യെന്ന് പറഞ്ഞു മെസ്സേജ് അയച്ചിരുന്നു
ആദി : എന്നിട്ട് നീ വിളിച്ചു നോക്കിയില്ലേ
ഗീതു : നോക്കി പക്ഷെ അവൾ ഫോൺ എടുക്കുന്നില്ല
ആദി : അവളുടെ വീട്ടിലെ നമ്പർ ഉണ്ടോ
ഗീതു : ഇല്ല
ആദി : നീ അവളുടെ ബെസ്റ്റ് ഫ്രണ്ട് അല്ലേ എന്നിട്ടും വീട്ടിലെ നമ്പർ ഇല്ലേ
ഗീതു : ഇല്ലാത്തത് കൊണ്ടല്ലെ ഇല്ല എന്ന് പറഞ്ഞത് ആദിത്യന് ഇപ്പോൾ എന്താ പ്രശ്നം
ഇത് കേട്ട ആദി പതിയെ വീണ്ടും ക്ലാസ്സിനു പുറത്തേക്കു പോയി
അജാസ് : നീ എങ്ങോട്ടാടാ ഈ പോകുന്നെ വാ വന്നു ക്ലാസ്സിൽ ഇരിക്ക്
ആദി : എനിക്ക് നല്ല സുഖമില്ല ഞാൻ തിരിച്ചു പോകുവാ
അജാസ് : പിന്നെന്തിനാടാ നീ ഇന്ന് വന്നെ ചുമ്മാ മിസ്സിനെ വെറുപ്പിക്കുകയും ചെയ്തു അവര് നല്ല ദേഷ്യത്തിലാ പിന്നീട് ക്ലാസ്സ്‌ എടുത്തത് മിക്കവാറും ഇന്റെണലിൽ നിനക്ക് പണി തരും