എൻ്റെ മൺവീണയിൽ 25 [Dasan]

അമ്മ: ഇല്ല. ആ പിന്നെ ഒന്നുണ്ട്, ആ പൂക്കടയിൽ നിന്നും കുറച്ചു മുല്ലപ്പൂമാല മേടിച്ചോളു.
ഞാൻ: ശരി.
ഞാൻ സീതയെ നോക്കി, ആള് എന്നെ ശ്രദ്ധിക്കാതെ പച്ചക്കറി അരിയുകയാണ്. ഞാൻ പുറത്തേക്കിറങ്ങി, ഗേറ്റ് കടക്കുന്നതിനു മുമ്പ് അച്ഛൻ കയറിവന്നു.
അച്ഛൻ: നീ എങ്ങോട്ടാണ്?
ഞാൻ: പച്ചക്കറി കടയിൽ നിന്നും ഇല പറഞ്ഞിട്ടുണ്ട് എടുക്കണം, പിന്നെ മുല്ലപ്പൂമാലയും.
അച്ഛൻ: അതൊക്കെ അജിത്ത് എടുത്തോളും, നീ ഇപ്പോൾ എവിടെയും പോകണ്ട. തിരുവനന്തപുരത്തുനിന്നും ശിവൻ വിളിച്ചിട്ടുണ്ടായിരുന്നു, അവർ പുറപ്പെട്ടിട്ടുണ്ട് എന്നു പറഞ്ഞു.
ഞാൻ വീണ്ടും അകത്തേക്ക് കയറി, മുറിയിലേക്ക് പോയി. കുറച്ചു കഴിഞ്ഞപ്പോഴേക്കും ബന്ധുമിത്രാദികൾ എത്തിത്തുടങ്ങി. പിന്നെ വീട്ടിൽ കുട്ടികളുടെ ബഹളമായി. ഏകദേശം രണ്ടു മണി കഴിഞ്ഞപ്പോൾ, ട്രാവലറിൽ തിരുവനന്തപുരത്ത് നിന്നുള്ളവർ എത്തി. 4- 5 എത്ത കുലയും, ചെങ്കദളി കുലയും, ഹൽവയും പലഹാരങ്ങളും ഒക്കെയായിട്ടാണ് അവർ വന്നത്. അവിടത്തെ അമ്മ, അമ്മയുടെ കയ്യിൽ ഒരു നിലവിളക്ക് കൊടുത്തു.
സീ. അമ്മ: ഇതാണ് ചടങ്ങിൻ്റെ ഒരു ഭാഗം എന്ന നിലക്ക് ഉള്ളത്.
അമ്മ: ഇതൊന്നും വേണ്ടായിരുന്നു പറഞ്ഞിട്ടുള്ളതല്ല.
സീ. അച്ഛൻ: എന്നാലും ഒരു ചടങ്ങ് എന്ന നിലക്ക്.
അച്ഛൻ: ഈ ചടങ്ങുകൾ ഒക്കെ മനുഷ്യനുണ്ടാക്കിയതല്ലേ.
തിരുവനന്തപുരത്ത് അച്ഛൻ, ബാഗിൽ നിന്നും ഒരു പൊതിയെടുത്ത് അച്ഛൻറെ കയ്യിൽ കൊടുത്തു.
അച്ഛൻ: ഇത് എന്താണ്?
സീ.അച്ഛൻ: ചടങ്ങുകൾ ഒന്നും ഇല്ലല്ലോ, അപ്പോൾ ക്യാഷ് ആയിട്ട് കുറച്ച്.
അച്ഛൻ: ശിവ, ഇതിൻറെ ഒന്നും ആവശ്യമില്ല. ഞങ്ങൾക്ക് ഈ മകളെ തന്നില്ലേ അതു തന്നെ ധാരാളം. അതുകൊണ്ട് ഇത് പിടിക്ക്.
അച്ഛൻ ആ പൊതി തിരിച്ചേൽപ്പിച്ചു. എല്ലാവരും എല്ലാവരെയും പരിചയപ്പെടുത്തി. പുറത്ത് ചെറിയൊരു പന്തലും കുറച്ചു മേശയും ഉണ്ടായിരുന്നതിനാൽ, അവിടെവെച്ച് എല്ലാവർക്കും ഭക്ഷണം വിളമ്പി. തിരുവനന്തപുരത്തെ അച്ഛൻ, ഞങ്ങളെ ഞായറാഴ്ച ഇങ്ങോട്ട് തിരിച്ചു വിടാം എന്ന് പറഞ്ഞു. മൂന്നരയോടെ ഞങ്ങൾ തിരുവനന്തപുരത്തേക്ക് മടങ്ങി. ഇറങ്ങുന്നതിനു മുമ്പ് സീത, അച്ഛൻറെ അമ്മയുടെയും അമ്മുമ്മയുടെയും കാൽ തൊട്ടു വന്ദിച്ചു. അമ്മയും സീതയും കെട്ടിപ്പിടിച്ചു കരയുന്നുണ്ട്. എല്ലാവരോടും യാത്ര പറഞ്ഞു. എൻറെ വണ്ടിയിൽ സീതയും അമ്മയും അച്ഛനും കയറി, അച്ഛൻ ഫ്രൻ്റിൽ ആണ് ഇരുന്നത്. പോകുന്ന വഴി ബന്ധുക്കളൊക്കെ ഓരോ സ്ഥലങ്ങളിൽ ഇറങ്ങി. ട്രാവലർ കാലി അടിച്ചാണ് തിരുവനന്തപുരത്തേക്ക് പോയത്. ഞങ്ങൾ യാത്രക്കിടയിൽ നല്ലൊരു ഹോട്ടലിൽ നിന്നും ഭക്ഷണം കഴിച്ചാണ് വീട്ടിലേക്ക് പോയത്. വീടെത്തി വണ്ടിയിൽ നിന്നും ഞങ്ങളുടെ ഡ്രസ്സ് എല്ലാം എടുത്തു അകത്തു കയറി. യാത്രാക്ഷീണം ഉണ്ടായിരുന്നതിനാൽ, ഒരു കുളി പാസാക്കി ഞാൻ കയറി കിടന്നു. നേരം പുലർന്നു എഴുന്നേറ്റു, മുറിക്ക് പുറത്തിറങ്ങിയപ്പോൾ അടുക്കളയിൽ അമ്മ പണിയിലാണ്. നോക്കുമ്പോൾ അവളുടെ മുറി വാതിലടച്ചു കിടക്കുകയാണ്, മിണ്ടാതിരിക്കുന്ന ഉള്ള കൂടെ എങ്ങനെ പോയി കിടക്കാനാണ്, അതുകൊണ്ട് എൻറെ മുറിയിലാണ് ഞാൻ കിടന്നിരുന്നത്.
അമ്മ: മോൻ എന്താണ് ആ മുറിയിൽ പോയി കിടന്നത്.
ചിരിച്ചുകൊണ്ട്