🔥ഏദൻ തോട്ടത്തിന്റെ കാവൽക്കാരൻ 14🔥[സഞ്ജു സേന]

”എയ് അവരങ്ങനെ ചെയ്യുമോ, അവരുടെ ചേച്ചിയുടെ മകൾ നമ്മുടെ കസ്റ്റഡിയിൽ ഉള്ള സ്ഥിതിക്ക് ,പിന്നെ ഇന്നത്തെ ഇടപെടൽ കണ്ടിട്ട് അങ്ങനെ ഒന്ന് തോന്നുന്നില്ല ..”

”അർജുൻ അത് നിന്റെ പ്രായം കൊണ്ട് തോന്നുന്നതാണ്,.ഇവളുമാരുടെ കൊഴുപ്പും തൊലിപ്പുറത്തെ മിനുസവും മാത്രമേ നിങ്ങൾ കാണു, അതിനുള്ളിലിവരുടെ മനസ്സ്, അത് വായിക്കാൻ ഒരു ജന്മം ഒരുമിച്ചു കിട്ടിയാലും കഴിഞ്ഞെന്നു വരില്ല,, അതറിയുന്നത് കൊണ്ടാണ് നീയവളോട് പകരം വരാൻ പറഞ്ഞപ്പോൾ ,വേണ്ട ഞാൻ തന്നെ വരാമെന്നു പറഞ്ഞത്…..”

നമിച്ചു പോയി ആ മനസ്സിനെ ,ഒരു സാദാ ലൈംഗികത്തൊഴിലാളിയായ സ്ത്രീ ,ദിവസങ്ങളുടെ പരിചയമേയുള്ളു പക്ഷെ ഒരു കൂടപ്പിറപ്പിനേക്കാൾ ഇവരൊക്കെ എന്നെ സ്നേഹിക്കുന്നു ,കരുതലായി കൂടെ നിൽക്കുന്നു .

”ചേച്ചി , അവർ സമ്മതിച്ചിട്ടുണ്ട്, പിന്നെ പൈസ ചോദിച്ചു വാങ്ങിക്കൊള്ളണം, ഒരു കാര്യം കൂടെ.. വേറെ അസുഖമൊന്നുമില്ലല്ലോ അല്ലെ, ?”

അപ്പോഴേക്കും ഷൈനി ഫോണുമായി പുറത്തേക്ക് തിരിച്ചു വന്നു ..

”അത് പേടിക്കേണ്ടെടി കൊച്ചേ ,മാസത്തിൽ പോയി ചെക്ക് ചെയ്യുന്നതാ, അന്നം തരുന്ന ശരീരമല്ലേ അതിനെ കുറച്ചു ശ്രദ്ധിക്കാതെ പറ്റില്ലല്ലോ? ”

കത്രീന ചിരിച്ചു,,

”എന്നാൽ അർജുൻ ഇവരെയും കൂട്ടി വിട്ടോളു .. ബൈക്ക് നമ്പർ ഞാൻ വിളിച്ചു പറഞ്ഞേക്കാം, അവിടെയൊരു വയസ്സൻ സെക്യൂരിറ്റി കാണും ,അങ്ങേരോട് ദീപ മാഡത്തിനെ കാണാനാണെന്നു പറഞ്ഞാൽ മതി , ..”

”താങ്ക്സ് സിസ്റ്റർ ,ഞാൻ വിളിക്കാം ….”

”വിളിക്കണം ,നമ്പർ സേവ് ചെയ്‌തിട്ടില്ലേ ..”