Posted by കല്യാണ ആലോചന മുറുകി വന്നപ്പോഴാ അവൻ സത്യം അറിയുന്നെ.അത് എന്റെ കുടുംബത്തിൽ കല്ലുകടി ഉണ്ടാക്കി. വീട്ടിൽ നിന്ന് ഒരുപാടു എതിർപ്പുകൾ ഉണ്ടായി. അതൊക്കെ ഒരു വിധം ഒന്ന് ഒതുക്കി കൊണ്ട് വന്നപ്പോഴാ എന്റെ ഏട്ടന് , ഞങ്ങൾ രണ്ടു പേരാ, ഒരു കല്യാണാലോചന വരുന്നത്. ഏട്ടൻ ഡോക്ടറാ പെണ്ണും ഡോക്ടർ, നല്ല പേരുകേട്ട ബ്രാഹ്മണ കുടുംബം അവർക്കു ഏട്ടനെ ഇഷ്ടപ്പെട്ടു, പക്ഷെ ഒരു പ്രശ്നമുള്ളതു അവർക്കു ഏട്ടനെ മാത്രമല്ല എന്നെയും വേണം അവരുടെ കുടുംബത്തിലെ ആചാര പ്രകാരം മാറ്റ കല്യാണം മാത്രമേ അവർ നടത്തു. അതായതു എന്റെ ഏട്ടനെ കെട്ടുന്ന പെണ്ണിന്റെ സഹോദരനെ ഞാൻ കെട്ടണം. ഞാൻ പരമാവധി എതിർത്തു ഞാൻ ഈ വേളിക്കു ഒരുക്കമല്ലന്നു കട്ടായം പറഞ്ഞു. പക്ഷെ അതിന്റെ പ്രതികാരണം ഞാൻ പ്രതീക്ഷിച്ചതിനു അപ്പുറമായിരുന്നു. ചേട്ടൻ വെയിൻ കട്ട് ചെയ്തു ആന്മഹത്യക്കു ശ്രമിച്ചു. അപ്പോഴാ അറിയുന്നേ ചേട്ടനും ആ പെൺകുട്ടിയുമായി മുൻപേ ഇഷ്ടത്തിൽ ആയിരുന്നു എന്ന്. ഞാൻ വേളിക്കു സമ്മതിച്ചില്ലേൽ ഏട്ടൻ ജീവിച്ചിരിക്കില്ല എന്ന് ഉറപ്പിച്ചു പറഞ്ഞു. എനിക്ക് ഏട്ടനും ഗിരിയും ഒരു പോലെ വേണം പക്ഷെ എന്റെ ഏട്ടനെ മരണത്തിനു വിട്ടുകൊടുക്കാൻ ഞാൻ തയ്യാറല്ലായിരുന്നു. ഞാൻ ഗിരിയെ കാര്യങ്ങൾ പറഞ്ഞു മനസിലാക്കി.അവനും എന്നോട് ദേഷ്യം ഒന്നും ഇല്ലായിരുന്നു. അങ്ങനെ ഏട്ടന്റെ ഇഷ്ടങ്ങൾക്കായി ഞാൻ എന്റെ ഇഷ്ടങ്ങളെ ഞാൻ മാറ്റി വച്ചു . എന്ന് വച്ച് ഞാൻ ഇപ്പോഴും ഗിരിയെ നെഞ്ചിൽ കൊണ്ട് നടക്കുന്നോനും ഇല്ല കേട്ടോ. ഞങ്ങൾ രണ്ടും അതൊക്കെ മനഃപൂർവം മറന്നു. എനിക്ക് ദൈവം തന്ന ജീവിതത്തിൽ ഞാൻ വളരെ ഏറെ സന്തോഷ വതിയാണ്. സ്നേഹസമ്പന്നനായ ഒരു ഭർത്താവും കുടുംബവും എല്ലാം കിട്ടിയില്ലേ. അന്ന് അങ്ങനെ നടന്നത് നല്ലതിനാവും ഇല്ലേൽ എനിക്കീ രണ്ടു മാലാഖമാരെ കുഞ്ഞുങ്ങളായി കിട്ടുമായിരുന്നോ എന്ന് പറഞ്ഞു ചേച്ചി എന്റെ കവിളിൽ ഉമ്മവച്ചു.
അപ്പൊ അമ്മ ഗിരിയേട്ടനെ തേച്ചതാണല്ലേ എത്ര വർഷത്തെ പ്രേമം ആയിരുന്നു.
എപ്പോഴാ ഞങ്ങൾ പ്രണയിക്കാൻ തുടങ്ങിയത് എന്ന് ഞങ്ങൾക്കിപ്പോഴും അറിയില്ല. ഞങ്ങൾ തമ്മിൽ നിങ്ങളൊക്കെ കരുതുന്നപോലെ ഉള്ള ഒരു പ്രണയം ഒന്നും ഉണ്ടായിരുന്നില്ല.
പിന്നെ
ഞങ്ങളുടെ പ്രണയം അത് തികച്ചു വ്യത്യസ്തമായിരുന്നു. ആ വികാരത്തെ പ്രണയം എന്ന് വിളിക്കുമോ എന്ന് എനിക്ക് ഇന്നും അറിയില്ല.
അതുകൊള്ളാമല്ലോ അതെന്തു പ്രണയം ……
അതൊരു വലിയ കഥയാ …..
ഒന്ന് വിശദമായി പറ അമ്മെ …..എനിക്ക് അറിയണം നിങ്ങളുടെ ആ വെറൈറ്റി പ്രേമ കഥ.
തുടരും …….