Posted by ഏതാനും കാലം ഞങ്ങളുടെ ബന്ധം ഒരു പ്രത്യേക രീതിയില്‍ പോയിരുന്നു. പിന്നീട് ഉണ്ടായ ചില സംഭവ വികാസങ്ങളുടെ പേരില്‍ ഞങ്ങളുടെ ബന്ധം ഉലഞ്ഞു. ഞങ്ങളുടെ തറവാട്ടിലെ സ്വത്ത്‌ ഭാഗം വയ്പ്പ് സംബന്ധമായി മാമന്‍റെ കുടുംബവും ഞങ്ങളുടെ കുടുംബവും തമ്മില്‍ ചില അസ്വാരസ്യങ്ങള്‍ ഉണ്ടായി. കണ്ണന്‍ മാമന്‍ ആളൊരു പാവമാണെങ്കിലും മാമന്‍റെ സഹോദരങ്ങള്‍ ഞങ്ങളുടെ വീട്ടില്‍ കയറി എന്‍റെ വീട്ടുക്കാരെ കൈ വയ്ക്കുന്ന അവസ്ഥ വരെയുണ്ടായി. ആ സമയത്ത് പഠന സംബന്ധിയായി ഞാന്‍ ഹോസ്റ്റലില്‍ ആയിരുന്നു. ആ സംഭവങ്ങളോടെ ഞങ്ങളുടെ വീട്ടുക്കാര്‍ തമ്മില്‍ പിണക്കമായി. പരസ്പരം മിണ്ടാട്ടവും ഇല്ല. സത്യത്തില്‍ മാമനും അമ്മായിയുമായി എനിക്ക് ഒരു പിണക്കവും ഇല്ലായിരുന്നു. അവര്‍ക്ക് തിരിച്ചും. എന്നാല്‍ മാമന്‍റെ സഹോദരങ്ങളെയും മറ്റുള്ളവരെയും പേടിച്ച് പരസ്പരം കണ്ടാല്‍ ഒന്ന് പുഞ്ചിരിക്കാന്‍ പോലും പറ്റാത്ത അവസ്ഥയായി.
അടുത്ത വര്‍ഷം അവര്‍ക്ക് ഒരു മോള്‍ ജനിച്ചു. അഞ്ജലി എന്നവള്‍ക്ക് അവര്‍ പേരിട്ടു. അവളുടെ പേരിടല്‍ ചടങ്ങിന് എന്‍റെ വീട്ടില്‍ നിന്നും ഞാനും അമ്മയും പോയി. അവളെ കയ്യില്‍ എടുത്ത് പിടിച്ച് ഒരു ഫോട്ടോയും എടുത്തിരുന്നു. അമ്മ എന്തോ സമ്മാനവും കൊടുത്തു. ഭക്ഷണം പോലും കഴിക്കാന്‍ നില്‍ക്കാതെ തിരികെ പോന്നു. മനസില്‍ പെയ്തൊഴിയാത്തൊരു വലിയ കാര്‍മേഘം പോലെ ഞങ്ങളുടെ മനസ്സ് വളരെ വേദനിച്ചു. വളരെ സ്നേഹമുള്ള തന്‍റെ ആങ്ങളയോടും നാത്തൂനോടും പിണങ്ങി പോരേണ്ടി വന്ന വിഷമം കൊണ്ട് തിരികെ പോരും വഴി അമ്മ കണ്ണീര്‍ വാര്‍ത്തു.
ഹോസ്റ്റലില്‍ നിന്ന് പഠിച്ചത് കാരണം നാടുമായി ബന്ധം ചെറുതായി എനിക്ക് മുറിഞ്ഞിരുന്നു. പിന്നീട് മറുനാട്ടില്‍ ജോലി നോക്കി പോയപ്പോള്‍ ഏതാണ്ട് മുഴുവനായും ആ ബന്ധം മുറിഞ്ഞു. ആകെയുള്ളത് സ്വന്തം വീട്ടിലേക്കുള്ള ഫോണ്‍ വിളികള്‍ മാത്രം. ഇതിനിടയില്‍ എന്‍റെ വിവാഹവും കഴിഞ്ഞു. നാട്ടുക്കാര്‍ വന്ന് പോകുന്ന പോലെ കണ്ണന്‍ മാമനും പ്രസീത അമ്മായിയും മോളും എന്‍റെ വിവാഹത്തില്‍ പങ്കെടുത്തു. ഫോട്ടോ എടുക്കാന്‍ ഞാന്‍ വിളിച്ചെങ്കിലും മാമന്‍റെ വീട്ടുക്കാര്‍ തടഞ്ഞതിനാല്‍ അവര്‍ക്ക് വരാനായില്ല. ദൂരെ നിന്ന് എന്നെ നോക്കി എന്‍റെ സ്വന്തം കൊച്ചു അമ്മായി നിറഞ്ഞ കണ്ണുകളോടെ കൈ വീശി. അവര്‍ ഭക്ഷണം കഴിക്കാന്‍ പോലും നിന്നില്ല. എനിക്കും ആകെ വിഷമമായി. അവളുടെ കൈ പിടിച്ച് വന്ന ആ കൊച്ചു സുന്ദരികുട്ടിക്ക് ഞാന്‍ ടാറ്റാ കൊടുത്തെങ്കിലും അവള്‍ എന്തോ അരുതാത്തത് കണ്ടെന്ന പോലെ അമ്മയുടെ പിന്നില്‍ ഒളിച്ചു.
വര്‍ഷങ്ങള്‍ പിന്നെയും കടന്നു പോയി. കാലം മായ്ക്കാത്ത മുറിവുകള്‍ ഇല്ല എന്ന് പറയുന്നത് സത്യം. കാലം പുതിയ മുറിവുകള്‍ കൊണ്ട് വരികയും ചെയ്യും എന്നത് മറ്റൊരു സത്യം. എനിക്ക് രണ്ടു കുട്ടികളായി. ഭാര്യക്ക് പണ്ട് തൊട്ടേ സെക്സില്‍ വലിയ താല്‍പര്യം ഒന്നും ഇല്ലായിരുന്നു. കുട്ടികളായി കഴിഞ്ഞപ്പോള്‍ താല്‍പര്യം ഒട്ടും ഇല്ലാത്ത അവസ്ഥയായി. ഞാന്‍ പലതും അവളോട്‌ പറഞ്ഞു മനസിലാക്കി കൊടുക്കാന്‍ ശ്രമിച്ചു. ഡോക്ടറെ കാണിച്ചു.