“സര് അങ്ങ് ഉടുമ്പ് ജോസ് എന്ന ക്രിമിനലിനെ അറിയില്ലേ? അവനും ടീമും ആണ് സംഭവത്തിലെ ഗുണ്ടകള്.. അവന്റെ ഒരു കണ്ണ് ഇന്നലെ നടന്ന ആക്രമണത്തില് നഷ്ടമായി..മറ്റൊരുത്തന്റെ വലതു ചെവി പറിഞ്ഞു പോയി..സൈക്കിള് ചെയിന് ഉപയോഗിച്ചാണ് അയാള് ആക്രമണം നടത്തിയതെന്നാണ് അവരുടെ മൊഴി”
ഇന്ദുലേഖ തനിക്ക് ലഭ്യമായ വിവരങ്ങള് കമ്മീഷണറെ അറിയിച്ചു.
“ഉടുമ്പ് ജോസ്..അവനെ അകത്തിടാന് വന്ന നാള് മുതല് ഒരു കേസ് തേടി ഞാന് നടക്കുന്നു….പക്ഷെ ഒരിക്കലും ഇവനൊന്നും എതിരെ ഒരു തെളിവും കാണില്ലല്ലോ..ഇനിയുമുണ്ട് കുറെ എണ്ണം..എല്ലാത്തിനെയും സംരക്ഷിക്കാന് കുറെ പണച്ചാക്കുകളും നേതാക്കന്മാരും..ഇവിടെ പോലീസ് സത്യത്തില് വെറും നോക്കുകുത്തി ആണ്..നടപടി ശക്തമായി എടുത്താല് പിന്നെ നമുക്കെതിരെ ആയിരിക്കും അവരുടെ നീക്കം..സര്വീസിന്റെ തുടക്കത്തില് നല്ല ആവേശം ഉണ്ടായിരുന്ന ഒരു ഓഫീസറാണ് ഞാന്. പക്ഷെ എവിടെ ചെന്നാലും സ്ഥിതി ഒന്നുതന്നെ..സത്യത്തില് പോലീസില് ചേര്ന്നത് തന്നെ ഒരു മണ്ടത്തരം ആയിപ്പോയി എന്ന് ചിലപ്പോള് തോന്നാറുണ്ട്..നമുക്ക് ശക്തമായി നിയമം നടപ്പിലാക്കാന് ഈ രാജ്യത്ത് സാധ്യമല്ല..അതിനു തുനിഞ്ഞിറങ്ങിയാല് ട്രാന്സ്ഫര് കിട്ടിക്കിട്ടി ഇന്ത്യ മൊത്തം നിരങ്ങേണ്ടി വരും..എനിക്ക് തുടക്കത്തില് എത്ര ട്രാന്സ്ഫര് കിട്ടിയിട്ടുണ്ട് എന്നറിയുമോ? മടുത്തു..ഭാര്യയും കുട്ടികളും പ്രാരാബ്ധവും ഒക്കെ ആയാല്പ്പിന്നെ പ്രശ്നങ്ങളില് തലയിടാന് മടുപ്പാണ്..ഇവന്മാരെ ആക്രമിച്ചവനെ കണ്ടെത്താന് വല്ല പ്രഷറും ഉണ്ടോ?” ഒരുതരം മടുപ്പോടെ അലി ചോദിച്ചു.
“ഇല്ല സര്..അവര് മനപൂര്വ്വം ആക്രമിച്ച ആളെ അറിയില്ല എന്ന് പറയുകയാണ്..അവന്മാര്ക്ക് ആളെ നന്നായി അറിയാം എന്നുള്ളത് ഉറപ്പാണ്… ആരായാലും അവനോടു അവര് തന്നെ പകരം ചോദിക്കും..അതാണല്ലോ ഇവരുടെയൊക്കെ രീതി..”
“അതേതായാലും നന്നായി..ഇവനെയൊക്കെ അടിച്ചവനെ കണ്ടാല് അനുമോദിക്കുകയാണ് വേണ്ടത്..അതിരിക്കട്ടെ…ആ ടിവിക്കാരി പെണ്ണിനെ റോഡില് വച്ചു ആക്രമിച്ച പ്രതിയെ കിട്ടിയോ?”
“ഇല്ല സര്..തിരച്ചില് ശക്തമാണ്..അവന് കൊച്ചിക്കാരന് അല്ല എന്നാണ് പ്രാഥമിക നിഗമനം. പുതിയ ആളാണ്. ഇനി അവന് ഇവിടം വിട്ടു പോയോ എന്നും നമുക്കറിയില്ല..ആ സമയത്തുണ്ടായ പ്രകോപനത്തില് നടത്തിയ ആക്രമണം ആകാം..എന്തായാലും പണി ഒന്നുമില്ലാതിരുന്ന സ്ത്രീ സംരക്ഷകര്ക്ക് മൊത്തം കടിച്ചു കളിയ്ക്കാന് ഒരു എല്ലിന് കഷണം കിട്ടി…”
“ഹഹ്ഹ..കൊള്ളാമല്ലോ..ഇന്ദുലേഖ ഒരു പെണ്ണായിട്ടും സ്ത്രീ സംരക്ഷകരെ പുച്ഛമോ?”
മൃഗം 11 [Master]
Posted by