കല്ലട ബസ് തന്ന കളിഭാഗ്യം 1

Kallada Buss thanna Kalibhagyam Part 1 Author : Pamman Jnr

ബാംഗ്ലൂരില്‍ നിന്ന് ഞാന്‍ ബസ്സില്‍ കയറുമ്പോള്‍ മമ്മി വിളിച്ചു.

‘രാവിലെ പത്തിന് തന്നെ മാമ്മോദീസ തുടങ്ങും. അപ്പോഴേക്കും നീ ഇങ്ങെത്തുമോ അനീഷേ… ‘

‘ എത്തും മമ്മീ … ‘ മൊബൈല്‍ കട്ട് ചെയ്ത് ഞാന്‍ സീറ്റിലേക്കിരുന്നു.

‘എവിടേക്കാ… ‘ അടുത്ത സീറ്റില്‍ നിന്നായിരുന്നു ചോദ്യം.

‘ കോട്ടയം … ‘

”ഓ അപ്പോള്‍ എറണാകുളത്തിറങ്ങി ബസ് മാറി കേറണം അല്ലേ.’

‘ അതേ ‘

‘ അങ്കിള്‍ എവിടേക്കാ…’

‘ ഞാന്‍ കോഴിക്കോട്, ആക്ച്ച്വലി ഞാന്‍ കോട്ടയം ആണ്. ബട്ട് നൗ ഗോയിംഗ് ടൂ വൈഫ് ഹൗസ്”

കാഴ്ചയില്‍ തികഞ്ഞ മാന്യനായിരുന്നു അദ്ദേഹം. പേര് ഷിബു. ഷിബു മാത്യു. കണ്ടത്തില്‍ കുടുംബാംഗമാണ്. കോട്ടയത്തെ ഞങ്ങളുടെ ഇടവക പള്ളിയിലെ പ്രബല ടീമാണ് ഇവര്‍. ഞാന്‍ അതൊന്നും പറഞ്ഞില്ല ഷിബു അങ്കിളിനോട്.

‘ അങ്കിളിനെ കണ്ടിട്ട് നമ്മുടെ ഫിലിം ആക്ടര്‍ ദേവനെ പോലുണ്ടല്ലോ.”
ഞാന്‍ അങ്ങനെ പറഞ്ഞത് കക്ഷിക്ക് സുഖിച്ചെന്ന് തോന്നി. ബാഗില്‍ നിന്നും ഒരു കിറ്റ് കാറ്റെടുത്ത് രണ്ടായി പകുത്ത് ഒന്ന് എനിക്കും തന്നു.

ബസ് ഓടിത്തുടങ്ങി.

‘ഞാനിവിടെ നേഴ്‌സിംഗിനു പഠിക്കുവാ. നാളെ ഉപ്പാപ്പന്റെ കൊച്ചിന്റെ മാമോദീസയാ, അതിന് കൂടാന്‍ രണ്ട് ദിവസത്തെ ലീവ് എടുത്ത് പോവുകയാ…’ എന്നും പറഞ്ഞ് ഞാന്‍ എന്നെയും പരിചയപ്പെടുത്തി.

ഷിബു അങ്കിളിന് നല്ല പെര്‍ഫ്യൂമിന്റെ മണമുണ്ടായിരുന്നു. വണ്ടി ഏകദേശം കേരള ബോര്‍ഡര്‍ എത്തിയപ്പോഴേക്കും എനിക്ക് ഉറക്കം വന്നു തുടങ്ങി. വൈകുന്നേരം നാലാകാന്‍ പോകുന്നതേയുള്ളൂ.

ഞാന്‍ ഉറങ്ങിപ്പോയി.

ആള്‍ക്കാരുടെ ബഹളം കേട്ടാണ് പിന്നെ ഉണര്‍ന്നത്. ബസ് ബ്രക്ക് ഡൗണായിരിക്കുന്നു. ഇനിയും കോഴിക്കോട് നിന്നും റിക്കവറി വാന്‍ വന്നങ്കിലേ പ്രശ്‌നം പരിഹരിച്ച് വണ്ടി കേരളത്തിലേക്ക് പുറപ്പെടൂ.

‘ നിനക്ക് നാളെ പത്തിനല്ലേ മാമ്മോദീസാ.”

‘ ആണ് ‘

‘ ഈ വണ്ടീടെ പ്രശ്‌നം പരിഹരിച്ച് നിനക്ക് മാമോദീസയില്‍ പങ്കെടുക്കാന്‍ പറ്റുമെന്ന് തോന്നുന്നില്ല.’

‘അയ്യോ അപ്പോളെന്ത് ചെയ്യും?’ ഞാന്‍ നിരാശനായി.

‘ ഞാനെന്തായാലും ഒരു ടാക്‌സി പിടിച്ച് കോഴിക്കോട്ടേക്ക് പോവുകയാ. നീ വരുന്നെങ്കില്‍ കോഴിക്കോട് ഇറക്കാം. അവിടുന്ന് കെ എസ് ആര്‍ ടി സി കിട്ടും കോട്ടയത്തിന്…’