Posted by
” അപ്പൊ എന്റെ കഞ്ചാവിന്റെ ഇഷ്യൂ ഇവിടെ വരെ സ്പ്രെഡ് ആയല്ലേ..? ” ഷിജു അൽപ്പം നിരാശയോടെ ചോദിച്ചു.
” അതൊക്കെ അങ്ങാടിപ്പാട്ടല്ലേ.. ” വാസു ചിരിച്ചുകൊണ്ട് പറഞ്ഞു.
” നീ സത്യം പറ എന്താ അവിടെ പരിപാടി..? ” രാഘവൻ വീണ്ടും ചോദിച്ചു.
” ഞാൻ പറഞ്ഞല്ലോ.. അതിൽ കൂടുതൽ ഒന്നും ഇല്ല. ”
” എന്നാലും എനിക്കിത് അങ്ങട് വിശ്വാസം വരണില്ല. ഞങ്ങള് ബന്ധുക്കളായോണ്ട് പറയുവാ.. നിന്നെപ്പോലുള്ള അലമ്പ് കേസുകളെയൊന്നും അവര് അടുപ്പിക്കാത്തതാണ്. ഞാൻ അതിന് ഉദാഹരണം. ”
” അതൊക്കെ പണ്ടല്ലേ.. ഇപ്പൊ മാറി. ”
” എന്നാലും എനിക്കത് വിശ്വാസം വരണില്ല.. ”
” നിങ്ങള് വേണേൽ വിശ്വസിച്ചാൽ മതി രാഘവേട്ടാ.. ഞാൻ പോണു.. നിങ്ങളോട് കത്തിയടിച്ചു നിന്നാൽ ലേറ്റ് ആകും.. ” അതും പറഞ്ഞ് ഷിജു അവിടെ നിന്ന് ഇറങ്ങി.
ഇപ്പൊഴും രാഘവനും, വാസുക്കും അവൻ പറഞ്ഞത് പൂർണ്ണമായി വിശ്വാസം വന്നിട്ടില്ല.
ക്ലാസ്സിൽ.
” ഇപ്പൊ കുറച്ചു ദിവസായി നിന്നെ ഞങ്ങള് ശ്രദ്ധിക്കുന്നു. എപ്പഴും, എപ്പഴും ലീവ്.. എന്തെങ്കിലും പരിപാടിക്ക് വിളിച്ചാ വരത്തുമില്ല. എന്ത് പറ്റിയെടാ നിനക്ക്..? ” സിനാൻ ഷിജുവോട് ചോദിച്ചു. മനുവും,രാഹുലും,ജോണിയും,വിഷ്ണുവും ഇതേ കാര്യം തന്നെ അവനോട് ആവർത്തിച്ചു.
” നിങ്ങള് കരുതും പോലെ എനിക്ക് വേറെ പരിപാടിയൊന്നും ഇല്ല. വീട്ടിലെ ചെറിയ പ്രശ്നങ്ങൾ.. ” ഷിജു വായയിൽ തോന്നിയ കള്ളം തട്ടിവിട്ടു.
” ഇപ്പൊ എന്ത് പ്രശ്നം..? ” മനു ചോദിച്ചു.