Posted by
മാളു: പ്ളീസ് ചിത്രേ,, ചതിക്കല്ലേ,, നമ്മളെ ഇവിടെ കണ്ട കാര്യം ആരോടും പറയല്ലേ,, (ഇത്രയും പറഞ്ഞു മാളു വിതുമ്പി കരയാൻ തുടങ്ങി)
എനിക്ക് മാളുവിനോട് ഖേദം തോന്നിയെങ്കിലും,അവൾ ആ കരിങ്കുരങ്ങനെ പ്രേമിക്കുന്നതിൽ നല്ല ദേഷ്യവും ഉണ്ടായിരുന്നു,,
ഇപ്പോൾ എന്തായാലും അവരായിട്ടു പിടുത്തം തന്ന സ്ഥിതിക്ക് ഞാനും തുറന്നു സംസാരിക്കാൻ തീരുമാനിച്ചു,,
ഇവിടെ തെറ്റ് ചെയ്തത് അവരും,അവരെ കയ്യോടെ പിടിച്ചത് ഞാനുമായതിനാൽ,ഇപ്പോൾ കമാൻഡിങ് പൊസിഷനിൽ നിക്കുന്നത് ഞാൻ തന്നെയാണ്, ആ അവസരം ശരിക്കു മുതലെടുത്തു കൊണ്ട് ഞാൻ അല്പം കട്ടിയേറിയ ഭാഷയോടെ മാളുവിനെ ചോദ്യം ചെയ്യാൻ തുടങ്ങി,,
അല്ല പെണ്ണെ, നിനക്ക് കുറച്ചെങ്കിലും ബുദ്ധിയുണ്ടോ?? ഇത്രയും ആൾകാർ ഈ വീട്ടിലുള്ളപ്പോൾ ഇങ്ങനെ ഒരു പണിക്കു നിക്കാൻ? എങ്ങനേലും ആൾകാർ അറിഞ്ഞാൽ പിന്നെ ഈ നാടുമൊത്തം നീ നാറില്ലേ? അങ്ങനെയെന്തെങ്കിലും സംഭവിച്ചാൽ പിന്നെ നിന്റെ അച്ഛനും അമ്മയും ജീവിച്ചിരിക്കും എന്ന് നിനക്ക് തോന്നുന്നുണ്ടോ??
കിട്ടിയ അവസരം മുതലെടുത്തു ഞാൻ മാളുവിന് നേരെ ഇങ്ങനെ ചോദ്യശരങ്ങൾ അയച്ചു കൊണ്ടേയിരുന്നു,,,
എൻ്റെ ഓരോ ചോദ്യത്തിനും മാളു കരച്ചിലിന്റെ വോള്യം കൂട്ടിയതല്ലാതെ മറുപടിയൊന്നും തരുന്നുണ്ടായിരുന്നില്ല,,, അവളുടെ ആ നിസ്സഹായാവസ്ഥ കണ്ടിട്ടാവാം കിച്ചു എന്നോട് സംസാരിക്കാൻ തുടങ്ങിയത്,,
കിച്ചു: ആ,, വിട്ടുകള ചേച്ചി,,, ഞങ്ങൾ ഇഷ്ടത്തിലാണ്,, ഞാൻ മാളൂനെ ചതിക്കില്ല,, കാര്യങ്ങളെല്ലാം ഒത്തു വന്നാൽ ഞാൻ തീർച്ചയായും അവളെ കല്യാണം കഴിക്കും,, പിന്നെ ഇതൊക്കെ ഇതിന്റെ ഒരു ഭാഗമല്ലേ,, എവിടെയും നടക്കാത്തതൊന്നും അല്ലല്ലോ??