Posted by
മുകളിൽ എത്തിയ ചിത്ര,മെല്ലെ തല മാത്രം അകത്തേക്കു നീട്ടി ആ മച്ചിൻപുറം വീക്ഷിച്ചു,, അവിടെ മൊത്തം പഴയ ഫർണിച്ചറുകളും, പാത്രങ്ങളും, വിളക്കുകളുമെല്ലാം നല്ല ചിട്ടയോടെ അടക്കി വെച്ചിരിക്കുകയാണ്, അധികമാരും ഇങ്ങോട്ടു വരാത്തത് കൊണ്ടാവാം എല്ലാം പൊടി പിടിച്ചു കിടക്കുന്നു,,
വെളിച്ചം കുറവാണെങ്കിലും എൻ്റെ കണ്ണുകൾ ആ കറുത്ത് മെലിഞ്ഞ ചെറുക്കനെ കണ്ടെത്തി, അവൻ അവിടെ പൊടിപിടിച്ച സോഫയിൽ ഇരുന്നു മൊബൈലിൽ ആരുമായോ ചാറ്റ് ചെയ്യുന്നു,പക്ഷെ അവിടെ മാളു ഇല്ല, എല്ലാം തൻ്റെ തെറ്റിദ്ധാരണയാണെന്നും ഇവിടെ ഈ ചെറുക്കൻ തനിച്ചു വന്നത് വല്ല കള്ളോ, കഞ്ചാവോ അടിക്കാനായിരിക്കും എന്ന് കരുതി ഞാൻ തിരിച്ചു പോകാൻ തുനിഞ്ഞതും,താഴെ നിന്നും ആരോ പടികൾ കയറിവരുന്ന കാലൊച്ചകൾ എൻ്റെ കാതുകളിൽ പതിഞ്ഞു.
തത്ക്ഷണം ഞാൻ അകത്തേക്കു കയറി ഒരു അലമാരയുടെ പിന്നിൽ ഒളിച്ചു നിന്നു, മൂക്കിലേക്ക് പൊടി കയറി എനിക്ക് തുമ്മൽ വന്നുവെങ്കിലും ഞാൻ വളരെ ആയാസപ്പെട്ട് അതിനെ തടഞ്ഞു നിർത്തി,(അല്ലെങ്കിലും എനിക്ക് പൊടി അലർജി ആണ്, വീട് വൃത്തിയാക്കുന്ന ദിവസം ഞാൻ തുമ്മി തുമ്മി മരിക്കും) മിടിക്കുന്ന ഹൃദയത്തോടെ ഞാൻ ആ മുകളിലേക്കു കയറി വരുന്ന അതിഥിയെ അക്ഷമയോടെ കാത്തിരുന്നു.
ഞാൻ നേരത്തെ പറഞ്ഞിരുന്നില്ലേ?? എൻ്റെ ഉൾവിളികൾ കൂടുതലൊന്നും തെറ്റാറില്ലെന്നു,, അപ്പോൾ അത് വായിച്ച നിങ്ങളിൽ കുറച്ചു പേരെങ്കിലും മനസ്സിൽ പറഞ്ഞു കാണില്ലേ “ഹ്മ്മ്,,, ഭയങ്കരം” എന്ന്?? എന്നിട്ടു ഇപ്പൊ എന്തായി?? ദേ,, നോകിയെ,, ഇപ്പൊ ആരാ ആ പടികൾ കയറി വരുന്നേന്ന്,, ഇപ്പോൾ ഞാൻ പറഞ്ഞത് കറക്റ്റ് ആയില്ലേ?? (ഈ ചിത്ര ആരാ മോൾ)!!