Posted by എന്നാൽ ഇതു മതി. ഞാൻ പറഞ്ഞു
ശരിക്കും? അവൾ വിശ്വാസം വരാത്തത് പോലെ ചോദിച്ചു.
ആ കാര്യമായിട്ട് പറഞ്ഞതാടി. ഇത് പോകുന്നതിനു മുന്നേ നമുക്ക് പറഞ്ഞ് ഉറപ്പിക്കാം.
അവൾ എന്റെ കഴുത്തിൽ ചുറ്റിക്കെട്ടിപ്പിടിച്ച് കവിളിൽ അമർത്തി ഉമ്മ വച്ചു.
ഞാനിപ്പോ തന്നെ അവർക്ക് മെസ്സേജ് അയക്കാം.
അപ്പോ അതിന്റെ കാര്യത്തിൽ തീരുമാനമായില്ല? ഇനി ഉറങ്ങാമല്ലോ? ഞാൻ അവളോട് പറഞ്ഞു
ഉറങ്ങാം പക്ഷേ, എനിക്ക് വിശക്കുന്നുണ്ട്.
എനിക്കും വിശക്കുന്നുണ്ട്, നീ ഇത് കൺഫോം ചെയ്തോ. ഞാൻ പോയി കഴിക്കാൻ എന്തെങ്കിലും ഉണ്ടാക്കാം.
ഞാൻ കുറച്ച് ബ്രഡ് ഇരുന്നത് എടുത്ത്. മുട്ടയിൽ പഞ്ചസാര ചേർത്ത് കലക്കി, അതിൽ മുക്കി നെയ്യിൽ പൊരിച്ചെടുത്തു. അവളുടെ ഇഷ്ടപ്പെട്ട സ്നാക് ആണ്.
ഞാനത് ഒരു പ്ലേറ്റിൽ ആക്കി, മുകളിൽ ഒരു പൊടിക്ക് ഉപ്പ് വിതറി. അതുമായി അവളുടെ അടുത്ത് ചെന്നിരുന്നു.
കഴിഞ്ഞില്ലേ?
ഇല്ല, രണ്ട് വെബ്സൈറ്റിൽ ഈ അപ്പാർട്ട്മെന്റ് ലിസ്റ്റ് ചെയ്തിട്ടുണ്ട്. ഞാൻ രണ്ടിലും രജിസ്റ്റർ ചെയ്തിട്ട് മെസ്സേജ് ഇടാമെന്ന് വിചാരിച്ചു.
ഓക്കേ ഓക്കേ. നീ ചെയ്തോ എന്തെങ്കിലും ഹെൽപ്പ് വേണമെങ്കിൽ പറഞ്ഞാൽ മതി. ഇപ്പൊ ഇത് കഴിക്ക്.
ഞാൻ അവൾക്ക് ബ്രെഡ് ഒരെണ്ണം എടുത്ത് വായിൽ വെച്ച് കൊടുത്തു.
അവൾ മടിയൊന്നും കൂടാതെ ഒരു കടി കടിച്ച്, കഴിച്ച് തുടങ്ങി. എനിക്കതിൽ എന്തോ ഒരു ഇഷ്ടം തോന്നി, ഒരു കൊച്ചു കുഞ്ഞിനെപ്പോലെ ഞാൻ വാരി കൊടുക്കുന്നത് നിഷ്കളങ്കമായി ഇരുന്ന് കഴിക്കുന്ന അവളെ ഞാൻ നോക്കിയിരുന്നു.
എനിക്ക് നല്ല വിശപ്പുണ്ടെങ്കിലും അത് കഴിക്കാൻ തോന്നിയില്ല. അവൾ കഴിക്കുന്നത് കാണാനായിരുന്നു എനിക്ക് താല്പര്യം.