Posted by ഞാൻ ജോലിക്ക് പോകാൻ ഇറങ്ങുവല്ലാരുന്നോ, പിന്നെ വെറുതെ എന്തിനാ മുറി ചൂടാക്കി ഇടുന്നെ എന്ന് വെച്ച് കൂട്ടി ഇടാതിരുന്നതാ.
ഞാൻ വേഗം പോയി ടെമ്പ്രെചർ കൂട്ടിയിട്ടു.
ഡി, വീട് ഒഴിഞ്ഞോ? സാധനങ്ങളൊക്കെ വിറ്റുപോയോ?
വീടും സാധനങ്ങളും എല്ലാം ചേർത്ത് പുതിയ താമസക്കാർക്ക് കൊടുത്തിട്ടാ വന്നേ.
നിനക്ക് ഇറങ്ങാൻ സമയമായോ? എന്തെങ്കിലും കഴിച്ചിട്ട് പോവണ്ടേ?
സമയമായി വരുന്നു, എനിക്ക് വിശക്കുന്നില്ല, നിന്നെ കണ്ടതോടെ എന്റെ വയറ് നിറഞ്ഞു.
എന്റെ പൊന്നെ… I missed you a lot. ഞാൻ ചെന്ന് അവളെ കെട്ടിപ്പിടിച്ചു.
ഞങ്ങൾ കുറച്ചു നേരം അങ്ങനെ കെട്ടിപ്പിടിച്ച് നിന്നു.
മനസ്സിൽ ഒരു വലിയ കാർമേഘം, മഴയായി മാറി പെയ്യ്ത് തോർന്നത് പോലെ.
ഞാനപ്പോൾ മനസ്സിൽ കുറിച്ചിട്ടു, എനിക്ക് ജീവിതത്തിൽ മറ്റോന്നുമില്ലെങ്കിലും കുഴപ്പമില്ല. ഇവൾ എന്റെ കൂടെ ഉണ്ടായിരുന്നാൽ മതി.
ഡാ… അവൾ മെല്ലെ വിളിച്ചുകൊണ്ട് എന്നെ അവളുടെ ദേഹത്ത് നിന്ന് അടർത്തി മാറ്റി.
നിന്റെ ഷർട്ട് പന്നലാകും, അവൾ നിറകണ്ണുകൾ തുടച്ചുകൊണ്ട് പറഞ്ഞു.
നീ എന്തിനാ ഇനി കരയുന്നേ എന്റെ നിമ്മി…?
സന്തോഷം കൊണ്ടാ ജോമോനെ.
അവൾ എന്റെ കവിളിൽ പിടിച്ച് നെറ്റിയിൽ ഉമ്മ വെച്ചു.
നീ ഇറങ്ങിക്കോ, വെറുതെ തുടക്കത്തിൽ തന്നെ ലേറ്റ് ആവണ്ട.
ഞാൻ പോയിട്ട് ഓടി ഇങ്ങ് വരാം. ഞാൻ അവളെ വീണ്ടും പിടിച്ച് ഒരു ഉമ്മ കൊടുത്തു എന്നിട്ട് പെട്ടെന്ന് തന്നെ റെഡിയായി, അവൾ എനിക്ക് ബാഗ് എടുത്ത് തന്നു.
ദാ, താക്കോൽ നീ വെച്ചോ. പുറത്ത് പോണെങ്കിൽ പൂട്ടിയിട്ട് പോകാമല്ലോ. സെക്കൻഡ് കീ ആ മേശയിൽ എവിടോ കിടപ്പുണ്ട്, തപ്പി കണ്ടുപിടിക്കാൻ പാടായിരിക്കും.
ഞാൻ ഡോർ തുറന്ന് പുറത്തിറങ്ങി.