Posted by ”പോടാ പന്നീ… ഓരോന്ന് ഓരോന്ന് വിളിച്ചു പറയാതെ!” അവൾ അവന്റെ തോളിൽ ആഞ്ഞടിച്ചു കൊണ്ട് അവിടെ നിന്നും എഴുന്നേറ്റു.
”എന്തായാലും പോയി കുളിക്ക്. നീ വന്ന പാടെ എന്നെ നാറ്റിച്ചു കളഞ്ഞു,” അവൾ പതുക്കെ മുറിയിൽ നിന്നും പുറത്തേക്ക് നടന്നു. അജു അപ്പോഴും ആ ഗന്ധത്തിന്റെ അർത്ഥം തേടി മൂക്ക് വിടർത്തി അവിടെത്തന്നെ ഇരുന്നു.
കുളിച്ചു ഫ്രഷ് ആയി ഒരു ടീഷർട്ടും ഷോർട്സും ധരിച്ച് അജു താഴേക്ക് വരുമ്പോൾ ഫൈസി ഡൈനിങ് ടേബിളിൽ ഭക്ഷണം നിരത്തുകയായിരുന്നു.
ബാംഗ്ലൂരിൽ നിന്നും വരുമ്പോൾ ഫൈസി വാങ്ങിയ നല്ല മണം വരുന്ന ബിരിയാണിയും കബാബും അവിടെ റെഡിയായിരുന്നു.
ഭക്ഷണത്തിന്റെ മണം അടിച്ചതും അജുവിന്റെ വയറിൽ വിശപ്പിന്റെ വിളി തുടങ്ങി.
അവൻ നേരെ വന്ന് കസേരയിൽ ഇരുന്നു. ഫൈസി പ്ലേറ്റുകൾ അടുക്കി വെക്കുന്നത് കണ്ട് അവൻ ചോദിച്ചു,
“കാക്കു, ഐഷു എവിടെ? അവൾ വന്നില്ലേ?”
”അവൾ കുളിക്കാൻ കയറിയതേ ഉള്ളൂ. അവൾ കൂടി വന്നിട്ട് കഴിക്കാം എന്ന് കരുതി ഞാൻ ഇരിക്കുവാ,” ഫൈസി പതുക്കെ പറഞ്ഞു.
അജു ഒരു പ്ലേറ്റ് എടുത്ത് ബിരിയാണി വിളമ്പാൻ തുടങ്ങി.
“ഓ… അവള് വന്നിട്ട് കഴിക്കാൻ അവളേന്റെ ഭാര്യയൊന്നുമല്ലല്ലോ! എനിക്ക് നല്ല വിശപ്പുണ്ട്, ഞാൻ കഴിക്കുവാ. അവൾ വരുമ്പോൾ കഴിച്ചോളും,”
അവൻ ഒരു വലിയ കഷ്ണം ചിക്കൻ വായിലേക്ക് വെച്ചുകൊണ്ട് പറഞ്ഞു.
ഫൈസി ഒന്നും മിണ്ടിയില്ല. അവൻ മനസ്സിൽ മറ്റൊരു പ്ലാൻ മെനയുകയായിരുന്നു.
അജു വീട്ടിലുള്ളിടത്തോളം തനിക്ക് ഐഷുവിനെ സ്വസ്ഥമായി ഒന്ന് തൊടാൻ പോലും കഴിയില്ലെന്ന് അവന് ഉറപ്പായിരുന്നു.