Posted by
മിസ്സിന്റെ തുറന്നടിച്ചുള്ള ചോദ്യം കേട്ട് ഞാൻ ഒന്ന് പകച്ചു. “മ്മ്…” പക്ഷേ എന്നിട്ടും ഞാൻ മൂളി. അപ്പൊ മിസ്സ് കുറച്ചുനേരത്തേക്ക് മിണ്ടാതെ എന്നെ തന്നെ നോക്കി നിന്നു. പക്ഷേ ഞാൻ മിസ്സിന്റെ മുഖത്ത് നോക്കാതെ ബെഡ്ഡിൽ നോക്കിയിരുന്നു.
“ശെരി, സമയം 4:40 കഴിഞ്ഞു. രാത്രി 10 മണിക്ക് ടൂർ യാത്ര പോകേണ്ടതല്ലേ. നീ റെസ്റ്റെടുക്ക്, ഞാനും ഉറങ്ങട്ടെ. 8 മണിക്ക് എഴുനേറ്റ് ഫുഡ്ഡും ഉണ്ടാക്കണം, പിന്നെ ടൂറിന് വേണ്ടതൊക്കെ റെഡിയാക്കണം.” അതും പറഞ്ഞ് മിസ്സ് പോയി ലൈറ്റ് ഓഫാക്കി.
റൂം പെട്ടന്ന് ഇരുട്ടിൽ മുങ്ങിയൈങ്കിലും, രാത്രി അല്ലാത്തത് കൊണ്ട് രണ്ട് മൂന്ന് സെക്കന്ഡ് കഴിഞ്ഞ് കണ്ണുകൾ ഇരുട്ടുമായി പൊരുത്തപ്പെട്ടതും അത്യാവശ്യം ക്ലിയറായി തന്നെ റൂമിനകത്ത് എല്ലാം കാണാന് കഴിഞ്ഞു.
മിസ്സ് ഒന്നും മിണ്ടാതെ നേരെ ചെന്ന് ബാത്റൂമിൽ കേറി. ഞാൻ ഒരു നെടുവീർപ്പോടെ ചുമരുമായി ചേര്ന്ന് മലര്ന്നു കിടന്നു.
കുറച്ചുനേരം കഴിഞ്ഞ് മിസ്സ് ബാത്റൂമിൽ നിന്നിറങ്ങി വന്ന് ബെഡ്ഡിൽ കേറി അറ്റത്ത് തന്നെ അങ്ങോട്ട് തിരിഞ്ഞു കിടന്നു. അതില്നിന്ന്, ഞാൻ മിസ്സിനെ തൊടാതെ കിടന്നോണമെന്ന മെസേജ് വളരെ വ്യക്തമായിരുന്നു.
എത്രയൊക്കെ ഉറങ്ങാൻ ശ്രമിച്ചിട്ടും എനിക്ക് ഉറങ്ങാൻ കഴിഞ്ഞില്ല. പക്ഷേ ഞാൻ കണ്ണുകൾ വെറുതെ അടച്ചുകൊണ്ട് അനങ്ങാതെ കിടന്നു. എന്നാൽ ഇടക്കിടക്ക് കണ്ണുകൾ തുറന്ന് അങ്ങോട്ട് തിരിഞ്ഞ് കിടക്കുന്ന മിസ്സിനെ ഞാൻ വിഷമത്തോടെ നോക്കി. മിസ്സിന് എന്നോട് വെറുപ്പ് തോന്നാന് തുടങ്ങിയിരിക്കുന്നു എന്ന ശംശയം എന്റെ മനസ്സിനെ പൊള്ളിച്ചു.