Posted by
“പിന്നെ രാത്രി ഒരു മണി വരെ റൂമിൽ റസ്റ്റ് എടുത്തിട്ട് ഊട്ടിയിലേക്ക് യാത്രയിവാം. രാവിലെ 6 മണിക്ക് മുമ്പ് നമ്മൾ അവിടെ എത്തിച്ചേരും. അവിടെയും രണ്ട് റൂം എടുക്കുന്നു.. ഫ്രെഷ് ആവുന്നു. കഴിക്കുന്നു, രാത്രി വരെ ടൂർ ചെയ്യുന്നു. എന്നിട്ട് ഞയറാഴ്ച രാത്രി 9മാണിക്ക് അവിടെ നിന്ന് തിരിച്ചാല് തിങ്കളാഴ്ച രാവിലെ 6 മണിക്ക് മുമ്പ് തന്നെ ഇങ്ങെത്താൻ കഴിയും. നിങ്ങള്ക്ക് വണ്ടിയില് തന്നെ സുഖമായി കിടന്ന് ഉറങ്ങുകയും ചെയ്യാം. അതിനുള്ള സൗകര്യങ്ങള് എന്റെ വണ്ടിയില് ചെയ്യാൻ കഴിയും. അതുകൊണ്ട് ഇങ്ങോട്ട് വന്നിട്ട് നിങ്ങള്ക്ക് ക്ഷീണം ഇല്ലാതെ കോളേജിലും പോകുകയും ചെയ്യാം. ഞാനും ഉച്ചവരെ ഇവിടെ കിടന്ന് ഇറങ്ങീട്ട് പോകുകയും ചെയ്യും. എങ്ങനെയുണ്ട് പ്ലാൻ…?” എന്റെ പ്ലാനിംഗ് ഞാൻ അവരെ അറിയിച്ചു.
“അത് നല്ല പ്ലാനിംഗാണ് ജിനു.” മിസ്സ് പുഞ്ചിരിച്ചു. “പക്ഷേ കണ്ണാ, നിനക്കധികം റസ്റ്റ് കിട്ടില്ലല്ലോ…!! ഇത്രയും മണിക്കൂറുകൾ തുടർച്ചയായി, അതും രാത്രി സമയം ഒറ്റക്ക് എങ്ങനെ ഓടിക്കും…?!” മിസ്സ് വിഷമം പറഞ്ഞു.
“എന്നാ പിന്നെ ഇടക്ക് ചേച്ചി ഓടിച്ചോ, എനിക്ക് പ്രശ്നമില്ല.” ഞാൻ കള്ളച്ചിരിയോടെ പറഞ്ഞു.
“അയ്യോ, നിന്റെ ആ പോത്തിനെ ഞാൻ ഓടിക്കില്ല. ഞാൻ ഓടിച്ച അത് അതിന്റെ ഇഷ്ടത്തിന് എങ്ങോട്ടെങ്കിലും ഓടിപ്പോയി കുത്തിമറിഞ്ഞ് നില്ക്കും.” മിസ്സ് പേടിയോടെ അങ്ങനെ പറഞ്ഞത് കേട്ട് ഞാനും ടീച്ചറും പൊട്ടിച്ചിരിച്ചു.
അപ്പോ ചോദ്യ ഭാവത്തില് ഞാൻ ടീച്ചറെ ഒന്ന് നോക്കി.