Posted by
“… മോളെ ദേവു. ഞാൻ അടുത്ത ആഴ്ച തിരിച്ചു പോവും. തേജസിന്റെ മേലെ നിനക്ക് ഒരു കണ്ണ് ഉണ്ടാവണം. ഇപ്പോഴത്തെ അവസ്ഥയിൽ ചെറിയ കാര്യം മതി അവൻ പഴയപോലെ ആവൻ…”
“… ശെരി ഏട്ടാ ഞാൻ നോക്കിക്കോളാം…”
“…നിനക്ക് അറിയാലോ എനിക്ക് അവൻ എങ്ങനെ ആണെന്ന്. അതുകൊണ്ട് അവൻ നശിക്കുന്നത് എനിക്ക് കണ്ട് നിക്കാൻ പറ്റില്ല. ഇതെല്ലാം വിശ്വാസത്തോടെ ഏൽപ്പിക്കാൻ എനിക്ക് നീയെ ഉള്ളു…”
“… ഏട്ടൻ സമാധാനത്തോടെ പൊയ്ക്കൊ ഇവിടത്തെ കാര്യം ഞാൻ നോക്കിക്കോളാം…” ഗിയർ നോബിൽ വച്ചിരുന്ന ദേവന്റെ കൈയിൽ മുറുകെ പിടിച്ചുകൊണ്ടു ദേവു ഉറപ്പ് നൽകി.
രാത്രിയിൽ ഉറക്കം കിട്ടാതെ തേജസ് കട്ടിലിൽ തിരിഞ്ഞും മറിഞ്ഞും കിടന്നു. ആകെ ഒരു പരവേഷം പോലെ ദേഹം മുഴുവൻ വിയർത്ത് കുളിച്ചു.രണ്ട് ദിവസമായി ഒരു തുള്ളിപോലും കുടിക്കാതെ പിടിച്ച് നിക്കുന്നു. എന്നാൽ ഇനി കുടിച്ചല്ലെങ്കിൽ ചത്തുപോകും എന്ന അവസ്ഥ ആയി. ചാടി എഴുന്നേറ്റയവൻ മുറി ആകെ അരിച്ചു പറക്കി പണ്ട് താൻ വാങ്ങി വെച്ച മദ്യം വല്ലതും ബാക്കി ഉണ്ടാവോ എന്ന പ്രദീക്ഷയിൽ തപ്പിയവന് നിരാശയായിരുന്നു ഫലം. ആ ദേഷ്യത്തിലും നിരാശയിലും അലറി വിളിച്ചു മുറിയിലെ വസ്തുക്കൾ തട്ടി തെറിപ്പിച്ചു. സൗണ്ട് കേട്ട് അമ്മ മുറിയിലേക്ക് ഓടി വന്നു. തേജസിന്റെ അവസ്ഥ കണ്ട ആ അമ്മ ആകെ തകർന്നു പോയി. എന്നിരുന്നാലും മനോദൈര്യം കൈവിടാതെ അവനെ അശ്വസിപ്പിച്ചു.
മുമ്പ് അമ്മയോട് ചെയ്ത ക്രൂരതകൾ ഓർമ്മ വന്ന തേജസ് ഇനി അങ്ങനെ ഉണ്ടാകരുത് എന്ന ഉറച്ച തീരുമാനത്തിൽ സ്വയം നിയന്ത്രിച്ചു. അമ്മ എങ്ങനെയോ സ്വന്തം മടിയിൽ കിടത്തി എന്നെ ഉറക്കാൻ ശ്രെമിച്ചു.