Posted by
“… നീ ജോലി അനേഷിച്ചത് ഒക്കെ മതി. മര്യതിക്ക് നാളെ മുതൽ ഇവിടെ പണിക്ക് വന്നോണം കേട്ടല്ലോ…” ഞാൻ ഒന്ന് മൂളിയ ശേഷം തിരികെ കാറിന്റെ അരികിലേക്ക് നടന്നു.
ദേവൻ മാമനോട് സംസാരിച്ചശേഷം തിരികെ വന്നു. വീട്ടിലേക്കുള്ള യാത്രയിൽ കാർ മുഴുവൻ നിശബ്ദമായിരുന്നു. സെന്റർ മിറർ വഴി ദേവു എന്നെ നോക്കുന്നുണ്ടായിയുന്നു. എനിക്ക് അടി കിട്ടിയത് കണ്ടിട്ട് ആവണം അവളുടെ കണ്ണുകൾ നിറഞ്ഞിട്ടുണ്ടിരുന്നു. അവളുടെ നോട്ടത്തിൽ എന്നോടുള്ള സഹതാപം പ്രകടമായിരുന്നു. ഞാൻ അവളെ നോക്കി ഒന്ന് ചിരിക്കാൻ ശ്രെമിച്ചു.
മാമൻ തല്ലിയതിൽ ഉള്ളുകൊണ്ട് എനിക്ക് സന്തോഷമേ ഉള്ളു. ഞാൻ ചെയ്തു കൂട്ടിയതിന് ഇത്രയെങ്കിലും എനിക്ക് കിട്ടണമായിരുന്നു. വീട്ടിൽ വന്ന് ദേവനും ദേവൂവും ഉച്ചക്ക് ആഹാരം കഴിച്ചിട്ടാണ് പോയത്. കൂട്ടത്തിൽ ഇന്നത്തെ സംഭവ വികസങ്ങൾ എല്ലാം അമ്മയോട് പറഞ്ഞു കേൾപ്പിക്കുകയും ചെയ്തു.
“… എന്താ ഏട്ടാ ഇന്ന് അവിടെ നടന്നത്…” തിരികെ സ്വന്തം വീട്ടിലേക്ക് പോകവേ ദേവു ദേവനോട് തിരക്കി. ദേവൻ അവന് അറിയാവുന്നത് എല്ലാം പറഞ്ഞു.
“…തനു ചേച്ചി ചേട്ടനെ തേച്ചെന്ന് എനിക്ക് വിശ്വസിക്കാൻ കഴിയുന്നില്ല. കാരണം ആ ചേച്ചിക്ക് ചേട്ടനെ വല്യ ഇഷ്ട്ടം ആയിരുന്നു…”
“… മനുഷ്യരുടെ കാര്യം അല്ലെ മോളെ ഒന്നും പറയാൻ പറ്റില്ല…” ദേവു പിന്നെ ഒന്നും മിണ്ടാതെ പുറത്തേക്ക് നോക്കി ചിന്തയിൽ ആണ്ടു.