Posted by “ഓക്കെ ടാ.. , കാണാം,” ചിത്ര പതിവ് പോലെ സമ്മതിച്ചു.
ഗോകുൽ വൈകുന്നേരം വരുമെന്ന ചിന്ത ചിത്രയുടെ മനസ്സിൽ ഒരു യുദ്ധം തന്നെ നടത്തി. അവനെ കാണാനുള്ള ആകാംക്ഷയും അതേസമയം താൻ മാറിയത് അവൻ എങ്ങനെ ഉൾക്കൊള്ളും എന്ന ആശങ്കയും അവളിൽ നിറഞ്ഞു. അവൾ എങ്ങനെ ഓരോന്ന് ആലോചിച്ചു ഇരുന്നു ..
ചിത്രേ… ഞാൻ എത്തി. നീ എവിടെയാ?” അവളുടെ ഹോസ്റ്റൽ ഇന്റെ താഴെ എത്തി അവൻ വന്ന കാര്യം അറിയിച്ചു. ഹോസ്റ്റൽ ഗേറ്റിന് പുറത്ത് ഗോകുൽ പതിവ് പോലെ ഒരു പൂച്ചെണ്ടും ചോക്ലേറ്റുമായി അവളെ കാത്തുനിൽക്കുന്നത് അവൾ നോക്കി.. അവൾക്ക് അവനോട് വല്ലാത്തൊരു വാത്സല്യം തോന്നി.
എന്നാലും.. അയ്യോ .. അവൻ ഇത്രേ പെട്ടെന്ന് എത്തിയോ. എന്നവൾ ചിന്തിച്ചു. അവൾക്ക് യാതൊരു തയ്യാറെടുപ്പുകളും ചെയാൻ സാധിച്ചില്ല. പക്ഷെ ഗോകുലിന്റെ മുന്നിൽ അവൾക്ക് അതിന്റെ ആവിശ്യവും ഇല്ലല്ലോ. അവൾ ഓർത്തു.. കണ്ണാടിക്ക് മുന്നിൽ നിന്നപ്പോൾ അവൾ തന്റെ ആ പഴയ ലുക്കിലേക്ക് ഒന്ന് മടങ്ങാൻ ആഗ്രഹിച്ചു. ഗോകുലിനെ വേദനിപ്പിക്കാനോ ഒച്ചപ്പാടുണ്ടാക്കാനോ അവൾക്ക് താല്പര്യമില്ലായിരുന്നു.
അവൾ അലമാരയിൽ നിന്ന് ലളിതമായ പഴയ കറുത്ത ചുരിദാറും ലെഗിൻസും എടുത്തു. അധികം ആഭരണങ്ങളോ കടുപ്പമേറിയ മേക്കപ്പോ ഇല്ലാതെ അവൾ ഒരുങ്ങി. മുടി പകുതി മെടഞ്ഞിട്ടു. കണ്ണാടിയിൽ നോക്കിയപ്പോൾ അവൾക്ക് തന്നെ ഒരു അത്ഭുതം തോന്നി. തലേദിവസം കണ്ട ആ ഗ്ലാമറസ് സുന്ദരിയല്ല ഇപ്പോൾ മുന്നിൽ നിൽക്കുന്നത്. പക്ഷേ, ആ ചുരിദാറിന്റെ കറുപ്പ് അവളുടെ വെളുത്ത നിറത്തെ കൂടുതൽ എടുത്തു കാണിക്കുന്നുണ്ടായിരുന്നു. വസ്ത്രം ലളിതമാണെങ്കിലും വണ്ണം കൂടിയതുകൊണ്ട് അവളുടെ ശരീരത്തിന്റെ വശ്യതയും ആ മാറ്റങ്ങളും പൂർണ്ണമായും മറച്ചുപിടിക്കാൻ ആ വേഷത്തിന് കഴിയുമായിരുന്നില്ല. അവൾ ഒരു ഷാൾ എടുത്തു പുറത്തേക്ക് ഓടി..