Posted by
അമ്മു അല്പനേരം നിശബ്ദയായിരുന്നു. ഒരു ദീർഘശ്വാസം വിട്ടുകൊണ്ട് അവൾ പറഞ്ഞു തുടങ്ങി.
അമ്മു: “മഹിയേട്ടാ… ഞാൻ ഏട്ടനോട് ഒരു വലിയ സത്യം മറച്ചു വെച്ചിട്ടുണ്ട്. നാട്ടിൽ ആരും ഇത് അറിഞ്ഞിട്ടില്ല. ഏട്ടനോട് പറയാൻ എനിക്ക് പേടിയായിരുന്നു, ഏട്ടൻ എന്നെ വെറുക്കുമോ എന്ന് ഞാൻ ഭയന്നു.”
ഞാൻ: (നെഞ്ചിടിപ്പോടെ) “എന്താ അമ്മൂ അത്? ഇത്ര വലിയ രഹസ്യം എന്താ?”
അമ്മു: “മഹിയേട്ടാ… ഞാൻ ബാംഗ്ലൂരിൽ വന്നത് മുതൽ ഹോസ്റ്റലിലല്ല താമസിച്ചിരുന്നത്. ഞാനും അവനും കൂടി ഒരു ഫ്ലാറ്റ് വാടകയ്ക്ക് എടുത്ത് ഒന്നിച്ച് താമസിക്കുകയായിരുന്നു. ഞങ്ങൾ… ഞങ്ങൾ ‘ലിവിങ് ടുഗെതർ’ ആയിരുന്നു ഏട്ടാ.”
എന്റെ കാതുകളെ എനിക്ക് വിശ്വസിക്കാനായില്ല. കേവലം പ്രണയം മാത്രമായിരുന്നില്ല, അവർ ഭാര്യയും ഭർത്താവും എന്നപോലെ കഴിഞ്ഞിരുന്നു എന്ന തിരിച്ചറിവ് എന്നെ മരവിപ്പിച്ചു കളഞ്ഞു.
ഞാൻ: (സ്തംഭിച്ചുപോയി) “നീ… നീ എന്താ ഈ പറയുന്നത്? അപ്പോൾ ഇത്രയും കാലം നീ വീട്ടുകാരെയും എന്നെയും പറ്റിച്ച് അവന്റെ കൂടെ ഒരു മുറിയിലായിരുന്നോ താമസം?”
അമ്മു: “അതെ ഏട്ടാ. ഹോസ്റ്റലിൽ ആണെന്ന് എല്ലാവരോടും കള്ളം പറഞ്ഞു. അവന്റെ കൂടെയുള്ള ജീവിതം അത്രയ്ക്ക് സന്തോഷമായിരിക്കുമെന്ന് ഞാൻ കരുതി. ഒരു ഭാര്യയെപ്പോലെയാണ് ഞാൻ അവനെ നോക്കിയത്. പക്ഷേ ഒടുവിൽ ഉത്തരവാദിത്തങ്ങളിൽ നിന്ന് അവൻ ഒഴിഞ്ഞുമാറിയപ്പോഴാണ് ഞാൻ ചതിക്കപ്പെട്ടു എന്ന് എനിക്ക് ബോധ്യമായത്. എല്ലാം അനുഭവിച്ചു കഴിഞ്ഞപ്പോൾ അവന് എന്നെ മടുത്തു. ഇപ്പോൾ അവൻ അവിടെ നിന്നും താമസം മാറിപ്പോയി.”