Posted by ഞാൻ: “അതാണല്ലോ ഞാൻ പറഞ്ഞത്, ഇത് ഇടുന്നതിലും നല്ലത് ഇടാതിരിക്കുന്നതാണെന്ന്. നിന്റെ ആ പഴയ കാമുകൻ ഇതൊക്കെ കണ്ടാൽ അപ്പോൾ തന്നെ ബോധം കെട്ടു വീണേനെ.”
അവൾ പതുക്കെ എന്റെ തോളിൽ ഒന്ന് തല്ലി.
അമ്മു: “ഏട്ടൻ വെറുതെ അവനെ ഇതിലേക്ക് വലിച്ചിഴക്കണ്ട. ഇതിപ്പോൾ എന്റെ ഏട്ടൻ എനിക്ക് വാങ്ങിത്തന്നതല്ലേ? ഇത് കാണുമ്പോൾ ഏട്ടനാണോ അതോ അവനാണോ ബോധം കെടുന്നത് എന്ന് നമുക്ക് നോക്കാം.”
അവൾ ആ വസ്ത്രങ്ങൾ മാറ്റിവെച്ചിട്ട് പെട്ടിയിൽ മറ്റെന്തെങ്കിലും ഉണ്ടോ എന്ന് തിരയാൻ തുടങ്ങി. എന്റെ ഉള്ളിൽ ഇപ്പോൾ ഒരു വല്ലാത്ത ആവേശമാണ്. ഞാൻ ഒളിപ്പിച്ചു വെച്ചിരിക്കുന്ന ആ സ്വർണ്ണത്തിന്റെ ബോക്സിലേക്ക് അവളുടെ കൈകൾ എത്തുന്ന നിമിഷത്തിനായി ഞാൻ കാത്തിരുന്നു.
പിന്നീട് അതവൾ എടുക്കുന്നതിനേക്കാൾ നല്ലത് ഞാനായി കൊടുക്കുന്നതല്ലേ എന്നെനിക്ക് തോന്നി.
പെട്ടിയുടെ അടിയിൽ ഇരുന്ന ആ ചെറിയ സ്വർണ്ണ ബോക്സ് ഞാൻ അവളുടെ കയ്യിലേക്ക് കൊടുത്തു. വലിയ ആവേശത്തോടെയാണ് അവൾ അത് വാങ്ങിയത്.
അമ്മു: “ഇതെന്താ ഏട്ടാ… സ്വർണ്ണമാണോ? ഇതിന്റെയൊക്കെ വല്ല ആവശ്യമുണ്ടായിരുന്നോ?”
അവൾ പതുക്കെ ആ ബോക്സ് തുറന്നു. അതിനുള്ളിലെ വെൽവെറ്റ് പാഡിൽ തിളങ്ങി നിന്ന ആ ഡയമണ്ട് മൂക്കുത്തി കണ്ടതും അവളുടെ ശ്വാസം ഒന്ന് നിലച്ചു. ആ ചെറിയ വജ്രക്കല്ല് റൂമിലെ വെളിച്ചത്തിൽ നക്ഷത്രം പോലെ തിളങ്ങുന്നുണ്ടായിരുന്നു.
അമ്മു: (കണ്ണുകൾ വിടർത്തിക്കൊണ്ട്) “മഹിയേട്ടാ… ഇത്… ഇത് ഡയമണ്ട് ആണോ? ഇതെത്ര വിലയാകും? എന്തിനാ ഏട്ടാ ഇത്രയും വിലകൂടിയതൊക്കെ എനിക്ക് വേണ്ടി വാങ്ങിയത്?”