Posted by
ഫൈസി ഒരു ചെറു ചിരിയോടെ അത് പറഞ്ഞതും ഐഷു പിണക്കം നടിച്ചുകൊണ്ട് അവന്റെ നെഞ്ചിൽ കുത്തിക്കൊണ്ട് പറഞ്ഞു.
” ഒന്ന് പോ കാക്കു… ”
” പിണങ്ങാതടി പെണ്ണെ.. പൊണ്ണത്തടി ഒന്നുമില്ലല്ലോ. ”
ഞങ്ങളിങ്ങനെ ഓരോന്ന് പറഞ്ഞോണ്ട് ഇരിക്കുമ്പോഴാണ് ഫൈസിയുടെ അടുത്തേക്ക് ആഹാരവുമായി ഇളയമ്മ കടന്നുവന്നു.
എന്നാൽ മകളുടെ വേഷം കണ്ടതും അവരുടെ മുഖം മാറി.അവൾ ധരിച്ചിരിക്കുന്ന വസ്ത്രത്തിൽ അവളുടെ ഇറച്ചി കൂടിയ ശരീരം നന്നായി അറിയുന്നുണ്ട്.
”ഐഷു! നീയിതെന്താ ഈ കാണിക്കുന്നത്? ഈ പാതിരാത്രിയിൽ ഇതാണോ നിന്റെ വേഷം?”
ഇളയമ്മയുടെ സ്വരം അല്പം കടുപ്പമുള്ളതായിരുന്നു. അല്പം മോഡേൺ ആയ ആ വസ്ത്രം അവൾക്ക് ഒട്ടും ചേരുന്നില്ലെന്ന് അവർക്ക് തോന്നി.
“നിന്റെ ഈ കോലം കണ്ട് വേണം ഫൈസിക്ക് ഒരു വിലകുറഞ്ഞ വിചാരം വരാൻ. പോയി വല്ല മാന്യമായ ഡ്രസ്സും ഇട്ടേ, എന്നിട്ട് വേണം നമുക്ക് ഭക്ഷണം കഴിക്കാൻ…”
”ഇതെന്താ ഇളയമ്മേ, ഇപ്പോഴത്തെ കുട്ടികളൊക്കെ ഇങ്ങനെയാ…വിട്ടേക്ക് ”
ഫൈസി ഒന്ന് തമാശയാക്കാൻ ശ്രമിച്ചെങ്കിലും ആമിന വിട്ടില്ല.
”അതൊന്നും ഇവിടെ വേണ്ട. കാക്കയെ കാണാൻ വരുമ്പോൾ ഇങ്ങനെയാണോ വരുന്നത്? പോയി മാറ്റിക്കേ പെണ്ണേ! ഓരോന്ന് വലിച്ചു കേറ്റി വന്നോളും. ഇവളിത് എന്നെക്കൊണ്ട് വാങ്ങിക്കുമ്പോ ഇടുലാന്ന് പറഞ്ഞതാ ഫൈസി… ന്നിട്ട് കണ്ടാ…”
എളേമ്മ അവളെ ചൂണ്ടി പറഞ്ഞു…
” ന്റെ ഉമ്മാ.. പിന്നെ ഇത് ഷോ ക്ക് ബക്കാൻ ആണാ വാങ്ങി തന്നെ എനക്ക്. ഇതിനെന്താ ഒരു കൊഴപ്പം. നോക്ക്യേ എന്ത് ഭംഗിയാ കാണാൻ. ഇതിട്ടാ എല്ലാരും നോക്കും എന്നെ… “