Posted by ‘ അരവിന്ദ് ഇത് വരെ എത്തിയില്ല ‘
അവർ കണ്ടുമുട്ടാറുള്ള അതെ കോഫി ഷോപ്പിൽ അവരുടെ അതെ സീറ്റിൽ തന്നെ അവൾ ഇരിക്കാൻ തുടങ്ങിയിട്ട് ഇപ്പോൾ അര മണിക്കൂറോളം ആയി.
രാഹുലിന് ഗുളികയും കൊടുത്ത് tv ക്ക് മുൻപിൽ ഇരുത്തിയിട്ടാണ് പോന്നത്, പെട്ടെന്ന് ചെല്ലുകയും വേണം.
അങ്ങനെ ചിന്തിച്ചിരിക്കെ അരവിന്ദിന്റ ബൈക്ക് പുറത്തു വന്നു നിന്നു.
ദൃതിയിൽ നടന്നു അവൻ ചെയറിൽ വന്നിരുന്നു.
‘” സോറിട്ടോ…. ബൈക്കിന്റെ കീ കാണാതായി അതാ… ”
അവൻ ഒറ്റവലിക്ക് ജ്യൂസ് മുഴുവനും കുടിച്ചു.
” നിനക്ക് എപ്പോഴും ഉണ്ടല്ലോ കാരണങ്ങൾ ”
കുറച്ചു കളിയായും കാര്യമായും അവൾ പറഞ്ഞു.
” പറ എന്താ കാണണം എന്ന് പറഞ്ഞത് ”
” ഏയ്യ് ചുമ്മാ.. വെറുതെയങ്ങനെ തോന്നി ”
അവൾ ഒഴിഞ്ഞ ഗ്ലാസ് സൈഡിലേക്ക് നീക്കി വച്ചു.
” അനിയനെങ്ങനെയുണ്ട്? ”
ആ ഒറ്റ ചോദ്യത്തിൽ കഴിഞ്ഞ ദിവസം നടന്നത് മുഴുവൻ ഒരു സിനിമ പോലെ അവളുടെ കണ്ണിൽ തെളിഞ്ഞു.
” പഴയപോലെ… സുഖമായിരിക്കുന്നു ”
അവൾ മുഖത്തൊരു പുഞ്ചിരി വരുത്തി.
” അതേയ് ഞാൻ കുറെ നാളായി ആലോചിക്കുകയായിരുന്നു, എങ്ങോട്ടെങ്കിലും ഒരു ട്രിപ്പ് പോണം എന്ന്.. അങ്ങനെ എന്തെങ്കിലും ഒന്ന് പ്ലാൻ ചെയ്താലോ? ”
രമ്യയുടെ ചോദ്യം കെട്ട അരവിന്ദ് വായ പൊളിച്ചു ഇരുന്നു..
അവന്റെ മുഖത്തു കൈകൾ കൊണ്ട് ഒന്ന് ആട്ടിയ ശേഷം അവൾ പറഞ്ഞു.
” ഹലോ… ഞാൻ പറഞ്ഞത് കേട്ടോ? ”
” ആഹ് ആഹ്…. ഞാൻ കേട്ടു… പിന്നെന്താ പോവാലോ… എങ്ങോട്ടാ പോണ്ടത്? ”
അരവിന്ദിന്റെ ആകാംഷ മുഴുവനായി മാറിയില്ല.
” അത് നീ തീരുമാനിച്ചാൽ മതി, എന്നിട്ട് എന്നെ അറിയിക്ക് “