Posted by
അൻപത്താറ് വയസുള്ള മുഹമ്മിദിന് ഇപ്പോ പഴയ ആരോഗ്യമൊന്നുമില്ല.. എങ്കിലും സീനത്തിന്റെ ആവശ്യം നടത്തിക്കൊടുക്കാൻ അയാൾക്ക് പണിക്ക് പോയേ പറ്റൂ.. ഉമ്മാക്കും സീനത്തിനെ പേടിയാണ്.. എന്ത് ചോദിച്ചാലും കടിച്ച് കീറാൻ വരും.. വിവാഹമോചനത്തിന് ശേഷമാണ് മകളുടെ സ്വഭാവം മാറിയതെന്നും, അതെന്ത് കൊണ്ടാണെന്നും ഉമ്മാക്കറിയാം..പക്ഷേ, എത്ര ശ്രമിച്ചിട്ടും സീനത്തിനൊരു പുനർ വിവാഹം നടത്താൻ ആ പാവം ഉപ്പാക്കും ഉമ്മാക്കും കഴിഞ്ഞില്ല..
സീനത്തിന്റെ ഉറ്റ കൂട്ടുകാരിയാണ് അനിത.. തൊട്ടയൽവാസികളാണവർ.. അനിതക്കുമിപ്പോ മുപ്പത് വയസായി.. മുഴുക്കുടിയനും, കുടുംബത്തോട് യാതൊരു ഉത്തരവാതിത്തമില്ലാത്തവനുമായ നാരായണന് മകൾ പുര നിറഞ്ഞ് നിൽക്കുന്നത് കാണാൻ കണ്ണില്ലായിരുന്നു.. അത് കൊണ്ട് തന്നെ അവളെ കെട്ടിച്ച് വിടാനും അയാൾ ശ്രമിച്ചില്ല.. ഈ വീട്ടിൽ നിന്നാൽ തനിക്കൊരു ജീവിതമുണ്ടാവില്ലെന്ന് മനസിലാക്കിയ അനിതയുടെ താഴെയുള്ള അനിയത്തി പ്രവീണ ഒരന്യജാതിക്കാരനോടൊപ്പം ഒളിച്ചോടി.. അവളിപ്പോ അവന്റെ കൂടെ സുഖമായി ജീവിക്കുകയാണ്.. അനിതയുടെ വീട്ടിലും അഛനും, അമ്മയും മാത്രേ ഉള്ളൂ..
സീനത്തിനെപോലെയല്ല അനിത.. അഛന്റെ വരുമാനം മനസിലാക്കി അടങ്ങിയൊതുങ്ങിയാണവൾ ജീവിക്കുന്നത്.. വേണ്ടാത്ത ആഗ്രഹങ്ങളൊന്നും അവൾക്കില്ല.. ഉണ്ടായിട്ടും കാര്യമില്ല.. പിന്നെ എന്തേലും നടക്കുന്നത് അമ്മ പണിക്ക് പോയിട്ടാണ്.. സീനത്തിന്റെ ആഡംബരം കണ്ട് അവൾക്ക് കൊതി വരുമെങ്കിലും എല്ലാ ആഗ്രഹങ്ങളും അവൾ ഉള്ളിലടക്കി.. സീനത്ത് പുതിയ പുതിയ മോഡലിലുള്ള ഡ്രസുകൾ ധരിച്ച് നടക്കുമ്പോ അനിത നരച്ച് തുടങ്ങിയ ഒരു ചുരിദാറോ,നൈറ്റിയോ ഇടും..