Posted by
“ഇന്ന് തന്നെ അയാളുടെ പൈസ കൊടുക്കാൻ പറഞ്ഞു…”
“ഇന്നോ…അത് എങ്ങനെ സാധിക്കും…നമ്മുടെ അവസ്ഥ നിനക്കറിയില്ലേ” റിനിഷ് സ്റ്റിഫിയയുടെ അടുത്ത് വന്നിരുന്നു.
“എല്ലാം എട്ടായി വരുത്തിവെച്ചതല്ലേ…ഏട്ടായി തന്നെ പരിഹാരം കണ്ടെത്ത്”
കുറച്ച് നേരത്തേക്ക് രണ്ട് പേരും ഒന്നും മിണ്ടാതെ ആ സോഫയിൽ തന്നെ ഇരുന്നു.
“എന്ത് ചെയ്യാനാ ഞാൻ പോയി കുറച്ച് ഒഴിവു ചോദിച്ചു നോക്കാം”
റിനിഷ് സ്റ്റിഫിയയോട് പറഞ്ഞു.
“അങ്ങോട്ട് ചെല്ല് അയാൾ ഇപ്പോൾ തന്നെ ഒഴിവ് തരും”
“പിന്നെ ഞാൻ എന്ത് ചെയ്യാനാണ്…അയാളുടെ കാല് പിടിക്കണോ…എന്ത് വേണമെങ്കിലും ചെയാം”
“ഞാൻ ഒരു കാര്യം പറഞ്ഞാൽ ചേട്ടായിക്ക് ദേഷ്യം തോന്നരുത്”
റിനിഷ് സ്റ്റിഫിയയുടെ മുഖത്തേക്ക് നോക്കി.
“അയാൾ എന്നോട് ഒരു കാര്യം പറഞ്ഞു അത്…..ഞാ….ൻ”
സ്റ്റിഫിയ കിടന്ന് പരുങ്ങുന്നത് കണ്ടപ്പോൾ തന്നെ റിനിഷിന് കാര്യം മനസിലായി.
“നിന്നോട് അയാളുടെ കൂടെ കിടക്കാൻ പറഞ്ഞു അല്ലെ”
“ഹ്മ്മ്” സ്റ്റിഫിയ മറുപടി പറഞ്ഞതും റിനിഷിന്റെ കൈ സ്റ്റിഫിയയുടെ മുഖത്ത് പതിഞ്ഞതും ഒരുമിച്ചായിരുന്നു
“നാണമില്ലെടി…തേവിടിച്ചി അയാള് പറയുന്നതും കേട്ട്കൊണ്ട് വന്നേക്കുന്നു നിന്നെയാണല്ലോ ഞാൻ ഇത്രനാളും ഭാര്യയായി കൊണ്ട് നടന്നത്”
റിനിഷിന്റെ മറുപടി കേട്ടതും സ്റ്റിഫിയയുടെ കണ്ണുകൾ നിറഞ്ഞു അവളുടെ മുഖം ദേഷ്യം കൊണ്ട് ചുവന്നു.
“അതേടാ ഞാനാണ് എല്ലാത്തിനും കാരണം….ഞാനാണ് കാറ് കൊണ്ടുപോയി ഒരുത്തനെ ഇടിച്ചു കൊന്നത്…. മതിയോ.. നി ആണാണെങ്കിൽ അയാളുടെ പൈസ ഇന്ന് കൊടുത്തു തീർക്ക്…അല്ലെങ്കിൽ എന്താണെന്നു വെച്ചാൽ ചെയ്യ് എന്നെ വിളിക്കരുത്”