Posted by ഇപ്പൊ കൊണ്ടുവരാം ഉമ്മ എന്ന് പറഞ്ഞോണ്ട് സലീന ഉപ്പയുടെ മെഡിക്കൽ ബോക്സ് എടുത്തോണ്ട് അതിൽ നിന്നും പനിയുടെ ടാബ്ലറ്റ്സ് തപ്പി എടുത്തോണ്ട് വന്നു.
നീ വല്ലതും കഴിച്ചാരുന്നോ സൈനു.
ഇല്ല ഉമ്മ വന്നപ്പോ തലവേദന തോന്നിയപ്പോ വന്നു കിടന്നതാ.
ഹ്മ്മ് എന്നാലിനി വല്ലതും കഴിച്ചോണ്ട് ഗുളിക കഴിക്കാം എന്നും പറഞ്ഞ് സലീന നീ എന്തേലും കഴിക്കാൻ എടുത്തേ എന്ന് പറഞ്ഞതും ഷമി അങ്ങോട്ടേക്ക് വന്നു.
ഇതെന്തു പറ്റി സൈനു മുഖം ആകെ വല്ലാണ്ടിരിക്കുന്നു എന്ത് പറ്റി.
ആ അത് അവന് നല്ല പനിയാ മോളെ ഒന്നും കഴിച്ചിട്ടുമില്ല.
നിങ്ങൾ എന്തേലും എടുത്തു വാ എന്ന് പറഞ്ഞ് ഉമ്മ ഷമിയെ പറഞ്ഞുവിട്ടതും.
ഒരു പനി വന്നതിനാണോ ഉമ്മ ഇത്രയൊക്കെ എന്ന് ചോദിച്ചോണ്ട് ഞാൻ ഉമ്മയെ തന്നെ നോക്കി കൊണ്ടിരുന്നു.
പിന്നെ നീയിങ്ങനെ വയ്യാണ്ടിരുന്നാൽ എന്ന് വഴക്ക് പറയുംപോലെ പറഞ്ഞോണ്ട് നിങ്ങൾ തമ്മിൽ പിണങ്ങിയോ എന്ന് ചോദിച്ചതും.
ആര് തമ്മിൽ.
നീയും മോളും.
എന്തിന്.
അല്ല അവളും മുഖം വീർപ്പിച്ചോണ്ട് നടക്കുന്നുണ്ടായിരുന്നു അതാ.
ആ എനിക്കറിയില്ല ഞാനൊന്നും പറഞ്ഞിട്ടില്ല.
ഹ്മ്മ് ദേ രണ്ടും കൂടെ വഴക്കും കൂടി നടക്കാതെ നീ അവളോടൊപ്പം പോയിരുന്നു ഭക്ഷണം കഴിച്ചേ എന്ന് പറഞ്ഞോണ്ട് ഉമ്മ എന്നെ ടേബിളിൽ കൊണ്ട് വന്നിരുതി.
അപ്പോഴേക്കും സലീനയും ഷമിയും ചോറ് എല്ലാം കൊണ്ട് വന്നു ടേബിളിൽ വെച്ചിരുന്നു.
ഒന്നുരണ്ടു വായ് തിന്നതും പനിയുടെതാണോ എന്തോ എനിക്ക് വേണ്ട എന്നും പറഞ്ഞ് ഞാൻ എഴുന്നേറ്റു.
ദേ നീ അവിടെ ഇരുന്നേ മോളെ ചോറ് വേണ്ടേൽ കുറച്ചു കഞ്ഞി കൊണ്ട് വാ എന്നും പറഞ്ഞു ഉമ്മ ഷമിയെ വീണ്ടും അടുക്കളയിലേക്ക് പറഞ്ഞ് വിട്ടു.
അപ്പോയെക്കും സലീനയുടെ ഉമ്മ അങ്ങോട്ടേക്ക് വന്നു.