Posted by
അതു ഞാൻ അമ്മയോട് പറഞ്ഞോളാം, ഇനി കുരുത്തക്കേട് കാണിച്ചാൽ അമ്മ തല്ലണ്ടാ, ഞാൻ തല്ലിക്കോളാം എന്ന്,
ഇതും പറഞ്ഞ് അവൾ ചിരിക്കാൻ തുടങ്ങി.
കൂടെ ഞാനും ചിരിച്ചു.
ചിരിച്ചെങ്കിലും യഥാർത്ഥ പോയിൻ്റിലേയ്ക്കെത്താൻ എനിക്ക് ഇതുവരെ സാധിച്ചിട്ടില്ലാ എന്നെനിക്ക് മനസിലായി,
എനിക്ക് ഓർമ്മയായപ്പോഴേ അച്ഛൻ ഗൾഫിലാ, അന്നു മുതൽ എൻ്റെ അച്ഛനും അമ്മയുമെല്ലാം അമ്മ തന്നെയാണ്,
അന്നു മുതൽ ഇന്നുവരെ എൻ്റ എല്ലാ കാര്യങ്ങളും നോക്കുന്നതും അമ്മ തന്നെയാണ്.
എന്നെ കുളിപ്പിക്കുന്നതും,
ഒരുക്കുന്നതും,
പഠിപ്പിക്കുന്നതും എല്ലാം അമ്മ തന്നെയാണ്,
ഞാനിതുവരെ വേറൊരു മുറിയിൽ കിടന്നിട്ടു പോലുമില്ലാ,
ഇപ്പോഴും ഉറക്കം അമ്മയോടൊപ്പമാണ്.
അതിനെന്താ ഞാനും അമ്മയോടൊപ്പമാ കിടക്കുന്നത്.
നയന ഇതു പറഞ്ഞപ്പോൾ എനിക്കൊരു കാര്യം മനസിലായി. ഞാൻ പറയുന്നതിൻ്റെ സീരിയസ് ഒന്നും അവൾക്ക് ഇതുവരെ മനസിലായില്ലന്ന്.
ഞാനിനി ഇവളെ എന്തു പറഞ്ഞാ മനസിലാക്കേണ്ടത്🤔
ഇത്രയുമായപ്പോൾ നയന പറഞ്ഞു,
അയ്യോ എനിക്ക് പോകാൻ സമയമായി, ഇനിയും താമസിച്ചാൽ അമ്മയുടെ കൈയ്യിൽ നിന്നും നല്ലതു കിട്ടുമെന്നും പറഞ്ഞ് അവൾ എണിക്കാൻ തുടങ്ങി.
അപ്പോൾ ഞാനീ പറഞ്ഞ കാര്യങ്ങളിലൊന്നും നയനയ്ക്ക് എതിർപ്പൊന്നുമില്ലേ ?,
ഒരെതിർപ്പുമില്ലാ,
അമ്മയുടെ നല്ല മോൻ ഇപ്പോ ഓടി വീട്ടിൽ പോകാൻ നോക്ക്.
ഇതും പറഞ്ഞ് അവൾ ഇറങ്ങാൻ തുടങ്ങി, ഞാനും ഐസ് ക്രിമിൻ്റെ പൈസയും കൊടുത്ത് കൂടെ ഇറങ്ങി,