Posted by “മതിയെടാ.. വയറു നിറഞ്ഞു ഇനിയും കഴിക്കാൻ തോന്നുന്നില്ല.” ഒടുവിൽ ഉമ്മ പറഞ്ഞു.
“എന്ന ഉമ്മ പോയി കിടന്നോ.” ഞാൻ പറഞ്ഞു,
“നീ കഴിച്ചു കഴിഞ്ഞിട്ട് എന്നെ വിളിച്ച മതി. ഞാൻ പ്ലേറ്റ് എക്കെ എടുത്തു വെച്ചോളം” ഉമ്മ കഴിച്ച പ്ലേറ്റ് എടുത്തു എഴുനേൽക്കാൻ നേരം പറഞ്ഞു.
“ആ പ്ലേറ്റ് അവിടെ വെച്ചേ. അതിലാ ഞാൻ കഴിക്കാൻ പോണെ. ഉമ്മ പോയി കിടന്നോ ഞാൻ എല്ലാം എടുത്തു വെച്ചോളം”.
ഉമ്മ കഴിച്ച ലേശം അപ്പം അതിൽ ഉണ്ടായിരുന്നു. ഉമ്മ ആ പ്ലേറ്റ് എന്റെ അടുത്ത് വെക്കുമ്പോൾ എന്നെ ഒന്ന് നോക്കി. ആ മുഖത്തു എന്നോടുള്ള വാത്സല്യവും സ്നേഹവും ഒന്നുകൂടി നിറഞ്ഞു നിന്നിരുന്നു.
“ഞാൻ വേറെ പ്ലേറ്റ് എടുത്തു തരാം മോനെ.” ഉമ്മ ആ പ്ലേറ്റ് എന്റെ അടുത്ത് വെച്ചെങ്കിലും ഉമ്മ പറഞ്ഞു.
“ഇന്ന് ഉമ്മ കഴിച്ച പ്ലേറ്റിൽ കഴിക്കാൻ തോനുന്നു എനിക്ക്. ഉമ്മ പോയി കിടന്നു ” ഞാൻ പറഞ്ഞ പാടെ ഉമ്മ ബാക്കി വെച്ചിരുന്ന അപ്പം എടുത്തു രുചിയോടെ ആസ്വദിച്ച് കഴിച്ചു, ഉമ്മ കാൺകെ തന്നെ.
ഉമ്മയുടെ മുഖത്തെ ആ പ്രസാദം അപ്പോൾ കാണേണ്ടതായിരുന്നു. ഉമ്മ എന്റെ തലമുടിയിൽ ഒന്ന് തലോടി, ഒന്നും മിണ്ടാതെ മുറിയിലേക്ക് പോയി കിടന്നു.
പാവത്തിന് ശെരിക്കും വയ്യ എന്ന് തോനുന്നു. അല്ലെങ്കിൽ എന്റെ അടുത്ത് ഇരുന്നെന്നെ, ഞാൻ കഴിച്ചു കഴിയുന്നത് പേരെ എന്ന് എനിക്കുറപ്പായിരുന്നു.
ഭക്ഷണം കഴിച്ചു കഴിഞ്ഞ ഞാൻ അടുക്കളയിൽ ചെന്ന് പ്ലേറ്റും കഴുകി വെച്ച്, ഒരു പാത്രത്തിൽ കുറച്ചു വെള്ളം ചൂടാക്കി. ഇളം ചൂടായപ്പോൾ ആ വെള്ളം ചൂടുപിടിക്കാൻ ഉപയോഗിക്കുന്ന ഹോട്ട് ബാഗിൽ നിറച്ചു.